الجمعة، 11 أبريل 2014

المسلسل اليومي ( مايا) ﻟﺤﻠﻘﺔ ﺍﻟﻌﺎﺷﺮﺓ . . . ﺗﺄﻣﻠﺖ ﻣﺎﻳﺎ ﺇﺳﻤﻬﺎ ﺍﻟﻤﺘﺪﻟﻲ ﻣﻦ ﺍﻟﺴﻠﺴﻠﺔ ﺍﻟﺬﻫﺒﻴﺔ ﺑﺬﻫﻮﻝ ! ﺇﺑﺘﻠﻌﺖ ﺭﻳﻘﻬﺎ ﻭﻫﻲ ﺗﺴﺄﻝ : ﺩﻩ ﺣﻘﻲ ؟؟ ﺟﻠﺴﺖ ﺯﻳﻨﺐ ﺑﺠﺎﻧﺒﻬﺎ ﻭﺃﺣﺎﻃﺖ ﻋﻨﻘﻬﺎ ﺑﺎﻟﻌﻘﺪ ﻗﺎﺋﻠﺔ : ﻣﻦ ﺑﺪﺭﻱ .. ﻛﻨﺘﻲ ﺑﺘﻠﺒﺴﻴﻪ ﻭﺇﻧﺘﻲ ﺻﻐﻴﺮﺓ ﻟﻜﻦ ﺑﻌﺪ ﺩﺧﻠﺘﻲ ﺍﻟﻤﺪﺭﺳﺔ ﺧﻔﺖ ﻳﺴﺮﻗﻮﻩ ﻣﻨﻚ ﻟﻤﻴﺘﻮ ﺟﻮﺓ ﻭﻧﺴﻴﺘﻮ .. ﺃﺑﻌﺪﺕ ﻣﺎﻳﺎ ﻳﺪ ﻭﺍﻟﺪﺗﻬﺎ ﺑﺮﻓﻖ ﻭﻫﻲ ﺗﻘﻮﻝ : ﺧﻠﻴﻪ .. ﺑﻠﺒﺲ ﺍﻟﻔﻀﺔ ﻷﻧﻮ ﻫﺪﻳﺔ .. ﻭﺣﺘﻰ ﺗﻤﻨﻊ ﺃﺳﺌﻠﺔ ﻭﺍﻟﺪﺗﻬﺎ ﺃﺭﺩﻓﺖ ﺑﺴﺮﻋﺔ ﻭﻫﻲ ﺗﻔﺘﺢ ﺣﻘﻴﺒﺔ ﺍﻟﺴﻔﺮ ﻭﺗﺨﺮﺝ ﻛﻴﺴﺎ" ﺃﺣﻤﺮ : ﺷﻮﻓﻲ ﻳﺎ ﺃﻣﻲ ﺩﻩ ﺭﺳﻠﺘﻮ ﻟﻴﻚ ﺧﺎﻟﺘﻮ ﺣﻨﺎﻥ ﺃﻡ ﺭﻳﻢ .. ﺗﻤﺘﻤﺖ ﺯﻳﻨﺐ ﻭﻫﻲ ﺗﺘﻔﺤﺺ ﺍﻟﺜﻮﺏ ﺑﺈﻋﺠﺎﺏ : ﺣﻠﻮ ﻭﺍﻟﻠﻪ .. ﻛﺘﺮ ﺧﻴﺮﻫﺎ ﺻﺎﺣﺒﺔ ﻭﺍﺟﺐ .. ﺃﺧﺮﺟﺖ ﻣﺎﻳﺎ ﻛﻴﺴﺎ" ﺁﺧﺮ : ﻭﺩﻩ ﺟﺒﺘﻮ ﻟﻴﻚ ﺃﻧﺎ !.. ﺿﺤﻜﺖ ﺯﻳﻨﺐ ﺑﺴﻌﺎﺩﺓ ﻭﻫﻲ ﺗﺘﺄﻣﻞ ﺍﻟﺜﻮﺏ ﻭﺃﻟﻮﺍﻧﻪ ﺍﻟﺰﺍﻫﻴﺔ : ﻭﺍﻟﻠﻪ ﻳﺎ ﺑﺘﻲ ﺩﻩ ﺃﺳﻤﺢ ﻣﻦ ﺍﻟﺘﺎﻧﻲ .. ﺫﻭﻗﻚ ﺳﻤﺢ ﺃﻧﺎ ﺑﻌﺮﻓﻮ .. ﺩﻩ ﺑﺨﻠﻴﻪ ﻟﻤﻦ ﻳﺨﻄﺒﻮﻙ ﺑﻠﺒﺴﻮ .. ﺇﺣﻤﺮﺕ ﺧﺪﻭﺩ ﻣﺎﻳﺎ ﻓﺄﺭﺩﻓﺖ ﺯﻳﻨﺐ ﻭﻫﻲ ﺗﻀﻊ ﺍﻟﺜﻮﺏ ﻣﻦ ﻳﺪﻳﻬﺎ : ﻟﻴﻪ ﻣﺎ ﺣﺪﺛﺘﻴﻨﻲ ﻣﻦ ﺑﺪﺭﻱ ﺑﺎﻟﻘﺼﺔ ﺩﻱ ؟ ﻟﻜﻦ ﻣﺎ ﺑﺘﻔﻮﺕ ﻋﻠﻲ ! ﺃﻧﺎ ﺃﻣﻚ ﻭﺑﻌﺮﻓﻚ ﺳﻤﺢ ! ﺗﻠﻌﺜﻤﺖ ﻣﺎﻳﺎ ﺑﺤﺮﺝ ﻭﻫﻲ ﺗﻘﻮﻝ : ﻗﺼﺔ ﺷﻨﻮ ﻳﻤﺔ ؟ ﻗﺮﺻﺘﻬﺎ ﺯﻳﻨﺐ ﺑﻠﻄﻒ ﻋﻠﻰ ﺧﺪﻫﺎ ﻗﺎﺋﻠﺔ : ﻗﺼﺔ ﺍﻟﻬﻮﻯ ﺍﻟﺮﻳﺪ ﺑﺘﺎﻋﺘﻚ ﺩﻱ ؟ ! ﻭﻗﻔﺖ ﻣﺎﻳﺎ : ﻳﻤﺔ ﻛﻨﺖ ﺑﺪﻭﺭ ﺃﺣﺪﺛﻚ ﻟﻜﻦ ﻣﺎ ﺭﻗﺖ ﻟﻠﺤﺪﻳﺚ .. ﻧﻈﺮﺕ ﺇﻟﻴﻬﺎ ﺯﻳﻨﺐ ﻧﻈﺮﺓ ﺫﺍﺕ ﻣﻌﻨﻰ ﻭﻗﺎﻟﺖ ﻭﻫﻲ ﺗﻠﻤﻠﻢ ﺍﻷﻛﻴﺎﺱ ﺍﻟﻤﺘﻨﺎﺛﺮﺓ : ﻫﺴﻲ ﻭﻗﺖ ﺍﻟﺤﺪﻳﺚ ﻓﺎﺕ .. ﺃﺑﻮﻛﻲ ﻋﺮﻑ ﻭﻭﺍﻓﻖ .. ﺗﺴﻤﺮﺕ ﻣﺎﻳﺎ ﻭﻫﻲ ﺗﻨﻈﺮ ﻟﻮﺍﻟﺪﺗﻬﺎ ﻭﻗﺎﻟﺖ ﺑﻌﺪ ﺃﻥ ﺇﻟﺘﻘﻄﺖ ﺃﻧﻔﺎﺳﻬﺎ : ﻋﺮﻑ ﺷﻨﻮ ﻳﻤﺔ ؟ ﺍﻟﻘﺎﻝ ﻟﻴﻪ ﻣﻨﻮ ؟؟ ﺇﻟﺘﻔﺘﺖ ﺯﻳﻨﺐ ﻧﺤﻮﻫﺎ : ﺃﺟﻲ ؟؟ ﻛﻴﻔﻦ ﻳﻌﻨﻲ ﺍﻟﻘﺎﻝ ﻟﻴﻪ ﻣﻨﻮ ؟ ﺟﺎ ﺍﻟﻤﺠﺬﻭﺏ ﺑﻲ ﺭﻭﺣﻮ ﺧﻄﺒﻚ ﻷﺣﻤﺪ ﻭﻟﺪﻭ ﻭﺃﺑﻮﻙ ﺃﺩﺍﻩ .. ﺩﺍﺭﺕ ﺍﻟﻐﺮﻓﺔ ﺣﻮﻝ ﻣﺎﻳﺎ ﻓﺠﻠﺴﺖ ﺑﻮﻫﻦ ﻋﻠﻰ ﺍﻟﻌﻨﻘﺮﻳﺐ ﻭﻫﻲ ﺗﺮﺩﺩ ﺑﺬﻫﻮﻝ : ﺃﺣﻤﺪ ﻭﺩ ﺍﻟﻤﺠﺬﻭﺏ ؟ ﺃﺣﻤﺪ ؟ ﺿﻤﺘﻬﺎ ﻭﺍﻟﺪﺗﻬﺎ ﺑﺈﺷﻔﺎﻕ : ﻳﺎ ﺑﺖ ﻣﺎ ﺗﺨﺎﻓﻲ ﺳﺎﻱ .. ﺃﺑﻮﻙ ﻗﺎﻝ ﺷﺮﻃﻮ ﺇﻧﻚ ﺗﺨﻠﺼﻲ ﺟﺎﻣﻌﺘﻚ ﺃﻭﻝ ﺑﻌﺪﻳﻦ ﻳﺴﻮﻭﺍ ﺍﻟﻌﺮﺱ .. ﺳﺎﻟﺖ ﺩﻣﻮﻉ ﻣﺎﻳﺎ ﺑﻐﺰﺍﺭﺓ ﻭﻫﻲ ﺗﺘﻤﺘﻢ : ﻭﺃﻧﺎ ﻣﺎ ﺑﺸﺎﻭﺭﻭﻧﻲ ؟ ﻳﻤﻜﻦ ﻣﺎﺩﺍﻳﺮﺍﻩ ؟ ﺯﻳﻨﺐ : ﺑﺴﻢ ﺍﻟﻠﻪ ﻳﺎ ﺑﺖ ﻣﺎﻟﻚ ﻫﺴﻲ ﺑﺘﺒﻜﻲ ؟ ﻭﺑﻌﺪﻳﻦ ﺃﺣﻤﺪ ﻋﻴﺒﻴﻪ ﻟﻲ .. ﺃﺣﺴﻦ ﻭﻟﺪ ﻓﻲ ﺍﻟﻔﺮﻳﻖ ﻭﻋﻨﺪﻭ ﺷﻬﺎﺩﺓ ﺟﺎﻣﻌﺔ ﻭﺷﻐﺎﻝ ﻣﻊ ﺃﺑﻮﻩ .. ﺇﻧﺖ ﺩﺍﻳﺮﺓ ﺃﺣﺴﻦ ﻣﻨﻮ ﻛﻴﻒ ؟ ﺇﺭﺗﻤﺖ ﻓﻲ ﺣﻀﻦ ﻭﺍﻟﺪﺗﻬﺎ ﻣﻨﺘﺤﺒﺔ : ﻣﺎﺩﺍﻳﺮﺍﻩ ﻳﻤﺔ ﻣﺎ ﺩﺍﻳﺮﺍﻩ .. ﻛﻠﻤﻲ ﺃﺑﻮﻱ ﺃﻧﺎ ﻣﺎ ﺩﺍﻳﺮﺍﻩ .. ﺇﻧﺪﻫﺸﺖ ﺯﻳﻨﺐ ﻟﺮﺃﻱ ﺇﺑﻨﺘﻬﺎ ﺍﻟﺘﻲ ﻛﺎﻧﺖ ﺳﻌﻴﺪﺓ ﻣﻨﺬ ﻟﺤﻈﺎﺕ .. ﺇﺣﺘﻀﻨﺘﻬﺎ ﺑﺪﻑﺀ ﻗﺎﺋﻠﺔ : ﻛﺪﻱ ﺍﻟﻨﺸﻮﻑ ﻛﻼﻡ ﺃﺑﻮﻙ .. ﺧﻼﺹ ﺃﺳﻜﺘﻲ ﺷﻮﻳﺔ .. . . ) ﺃﻧﺎ ﺃﺩﻳﺖ ﺍﻟﻤﺠﺬﻭﺏ ﻛﻠﻤﺔ ﻭﺗﺎﻧﻲ ﻣﺎ ﺑﺮﺟﻊ ﻓﻴﻬﺎ ( ﺇﻧﺘﻔﺾ ﺍﻟﺴﻨﺠﻚ ﻋﻨﺪﻣﺎ ﺃﺧﺒﺮﺗﻪ ﺯﻳﻨﺐ ﺑﺮﺃﻱ ﺇﺑﻨﺘﻬﻤﺎ .. ﺟﻠﺴﺖ ﺯﻳﻨﺐ ﻓﻲ ﺍﻟﻌﻨﻘﺮﻳﺐ ﺍﻟﻤﻮﺍﺟﻪ ﻟﻜﺮﺳﻴﻪ ﻗﺎﺋﻠﺔ : ﻛﺪﻱ ﺇﻧﺖ ﺇﺗﺤﺪﺙ ﻣﻌﺎﻫﺎ ﺷﻮﻓﻬﺎ ﻣﺎﻟﻬﺎ ؟ ﻟﻮﺡ ﺑﺎﻟﺴﺒﺤﺔ ﺍﻟﺘﻲ ﻳﺤﻤﻠﻬﺎ ﺑﻴﻤﻨﺎﻩ : ﺃﻧﺎ ﺃﺳﺄﻟﻬﺎ ؟ ﻭﺇﻧﺘﻲ ﻣﺎ ﺳﺄﻟﺘﻴﻬﺎ ﻣﺎﻟﻚ ؟ ﺯﻳﻨﺐ : ﻭﺍﻟﻠﻪ ﻗﺪﺭ ﻣﺎ ﺣﻨﺴﺘﻬﺎ ﻣﺎﻗﺎﻟﺖ ﻟﻲ ﻏﻴﺮ ﻣﺎﺩﺍﻳﺮﺍﻩ !.. ﺇﺭﺗﻔﻊ ﺻﻮﺗﻪ ﻏﻀﺒﺎ : " ﺩﻩ ﺩﻟﻊ ﻓﺎﺭﻍ !! ﺍﻟﺒﺖ ﺩﻱ ﺭﺍﺳﻬﺎ ﺩﻩ ﺑﻘﻰ ﺃﻛﺒﺮ ﻣﻦ ﺟﺘﺘﻬﺎ !! ﺩﺍﻳﺮﺓ ﺗﺠﻴﺐ ﻭﺍﺣﺪ ﻣﻦ ﻋﻴﺎﻝ ﺍﻟﺨﺮﻃﻮﻡ ﺍﻟﻌﻮﺍﻟﻴﻖ ﺩﻳﻞ ؟؟ ﻭﻗﻔﺖ ﺯﻳﻨﺐ ﺑﺠﺎﻧﺒﻪ ﻭﺇﻧﺤﻨﺖ ﺗﻘﺒﻞ ﺭﺃﺳﻪ ﺍﻟﺸﺎﺋﺐ ﺑﺤﻨﺎﻥ : ﺍﻟﻠﻪ ﻳﺮﺿﻰ ﻋﻠﻴﻚ ﻗﻮﻡ ﺃﺧﺪ ﻣﻌﺎﻫﺎ ﺧﺸﻢ ﺧﺸﻤﻴﻦ ﻭﻃﻴﺐ ﺧﺎﻃﺮﻫﺎ .. ﻳﺎﻫﺎ ﺑﺘﻨﺎ ﺍﻟﻮﻳﺤﻴﺪﺓ ﻣﺎ ﻋﻨﺪﻧﺎ ﻏﻴﺮﻫﺎ .. ﻻﻥ ﻗﻠﺐ ﺍﻟﺴﻨﺠﻚ ﻭﻗﺴﻤﺎﺗﻪ ﻗﻠﻴﻼ " ﻭﻟﻜﻨﻪ ﺗﻤﺴﻚ ﺑﻤﻮﻗﻔﻪ ﻗﺎﺋﻼ " ﺑﺠﻔﺎﻑ : ﻧﺎﺩﻳﻬﺎ ﻃﻴﺐ ﻧﺸﻮﻑ ﺭﺍﻳﻬﺎ ﺷﻨﻮ ! ﺃﺗﺖ ﻣﺎﻳﺎ ﺑﻌﻴﻨﻴﻦ ﺣﻤﺮﺍﻭﻳﻦ ﻣﻨﺘﻔﺨﺘﻴﻦ ﻭﺧﻄﻮﺍﺕ ﻣﺘﻌﺜﺮﺓ : ﻧﻌﻢ ﻳﺎﺑﺎ .. ﺃﺷﺎﺭ ﺑﻌﺼﺎﺗﻪ ﻟﺘﺠﻠﺲ ﺑﺠﺎﻧﺐ ﺃﻣﻬﺎ .. ﺗﺄﻣﻞ ﻭﺟﻬﻬﺎ ﺍﻟﺒﺎﻛﻲ ﻣﻄﻮﻻ " ﺛﻢ ﺗﻨﺤﻨﺢ ﻗﺎﺋﻼ " : ﺃﻣﻚ ﺣﺪﺛﺘﻚ ﺇﻧﻮ ﺍﻟﻤﺠﺬﻭﺏ ﺟﺎﻧﻲ ﻭﻃﻠﺒﻚ ﻟﻮﻟﺪﻭ ﺃﺣﻤﺪ .. ﻭﺃﻧﺎ ﺃﺩﻳﺘﻮ .. ﺗﺪﺍﻓﻌﺖ ﺍﻟﺪﻣﻮﻉ ﺇﻟﻰ ﻋﻴﻨﻴﻬﺎ ﻭﻟﻢ ﺗﻌﻘﺐ .. ﺇﻋﺘﺪﻝ ﻭﺍﻟﺪﻫﺎ ﻓﻲ ﻛﺮﺳﻴﻪ ﻭﺃﻛﻤﻞ : ﻭﺃﻣﻚ ﺟﺎﺕ ﻗﺎﻟﺖ ﻟﻲ ﺇﻧﺘﻲ ﺭﻓﻀﺘﻲ ﻭﻛﺴﺮﺗﻲ ﻛﻠﻤﺘﻲ !! ﻣﺸﻴﺘﻮ ﻗﻠﺖ ﻳﻤﻜﻦ ﻋﻨﺪﻙ ﺳﺒﺐ .. ﺩﺣﻴﻦ ﺃﻧﺎ ﺳﺎﻣﻊ .. ﺣﺪﺛﻴﻨﻲ .. ﻗﺎﻟﺖ ﻣﺎﻳﺎ ﻣﻦ ﺑﻴﻦ ﺩﻣﻮﻋﻬﺎ : ﺃﻧﺎ ﻣﺎ ﺩﺍﻳﺮﺍﻩ ﻳﺎﺑﺎ .. ﺻﺮ ﻋﻠﻰ ﺃﺳﻨﺎﻧﻪ ﻏﺎﺿﺒﺎ" : ﻭﺍﻟﺴﺒﺐ ﺷﻨﻮ ؟ ﻓﻲ ﺯﻭﻝ ﺗﺎﻧﻲ ؟؟ ﻣﻦ ﺍﻟﺨﺮﻃﻮﻡ ؟؟ ﺗﺮﺩﺩﺕ ﻣﺎﻳﺎ ﻗﺒﻞ ﺃﻥ ﺗﻮﻣﺊ ﺑﺎﻹﻳﺠﺎﺏ .. ﻫﺐ ﺍﻟﺴﻨﺠﻚ ﻭﺍﻗﻔﺎ" ﺑﻐﻀﺐ : ﻛﻤﺎﻥ ﺣﺼﻠﺖ ؟؟ ﻭﺍﺣﺪ ﻻ ﺑﻨﻌﺮﻑ ﻟﻴﻪ ﺃﺻﻞ ﻭﻻ ﻓﺼﻞ ؟ ﻭﻻ ﺑﻴﻌﺮﻓﻨﺎ ﻭﻻ ﺣﻴﻔﻬﻤﻨﺎ ﻭﻻ ﺣﻴﻔﻬﻢ ﻃﺮﻳﻘﺘﻨﺎ ﻭﻋﺎﺩﺍﺗﻨﺎ !! ﺃﻧﺎ ﻣﺎ ﻣﺠﻨﻮﻥ ﻋﺸﺎﻥ ﺃﺭﻣﻴﻚ ﺍﻟﺮﻣﻴﺔ ﺩﻱ ! ﻭﺗﺎﻧﻲ ﻣﺎ ﺗﻘﻠﺒﻮ ﺍﻟﻜﻼﻡ ﺩﻩ .. ﻭﻣﻦ ﺩﺭﺑﻲ ﺩﻩ ﻣﺎﺷﻲ ﻟﻠﻤﺠﺬﻭﺏ ﻧﺤﺪﺩ ﺍﻟﻌﻘﺪ ﺍﻟﺠﻤﻌﺔ ﺍﻟﺠﺎﻳﺔ !!! ﻏﺎﺑﺖ ﻣﺎﻳﺎ ﻋﻦ ﻋﺎﻟﻢ ﺍﻟﻮﻋﻲ ﻭﺇﺭﺗﻄﻤﺖ ﺑﺎﻷﺭﺽ . . ) ﻭﺍﻟﻠﻪ ﻛﺎﻥ ﻋﺮﺳﺘﻬﺎ ﺑﻘﻄﻊ ﺷﻄﺮﻱ ﺍﻟﺮﺿﻌﺘﻚ ﺑﻴﻪ ﺩﻩ (! ﻗﺎﻟﺖ ﺍﻟﺸﺎﻡ ﻭﺍﻟﺪﺓ ﺃﺣﻤﺪ ﻭﻫﻲ ﺗﻀﺮﺏ ﺻﺪﺭﻫﺎ ﺑﻘﻮﺓ ﻣﺮﺩﻓﺔ : ﻛﺎﻥ ﺩﺍﻳﺮ ﺗﻜﺴﺮ ﻛﻼﻣﻲ ﻭﺗﻌﺮﺱ ﻋﺪﻳﻤﺔ ﺍﻷﻫﻞ ﺩﻱ .. ﺑﺴﻮﻳﻬﺎ ﻭﺍﻟﻠﻪ ﻭﺗﻠﻮﻡ ﺭﻗﺒﺘﻚ ! ﻭﻗﻒ ﺃﺣﻤﺪ ﻭﻫﻮ ﻳﺤﺎﻭﻝ ﺃﻥ ﻳﺠﻌﻞ ﻟﻬﺠﺘﻪ ﻟﻴﻨﺔ ﺑﻘﺪﺭ ﺍﻹﻣﻜﺎﻥ : ﻳﺎ ﺃﻣﻲ ﺃﻧﺎ ﻣﺸﻴﺖ ﻣﻌﺎﻱ ﺃﺑﻮﻱ ﻭﺍﻟﺴﻨﺠﻚ ﺃﺩﺍﻧﺎ ﻛﻠﻤﺘﻮ .. ﺃﻧﺎ ﺑﺪﻭﺭ ﺃﻓﻬﻢ ﺑﺲ ﺍﻟﺒﺖ ﺩﻱ ﺷﻔﺘﻲ ﻋﻠﻴﻬﺎ ﺷﻨﻮ ؟ ﻋﻼ ﺻﻮﺕ ﺍﻟﺸﺎﻡ : ﺷﻔﺖ ﺍﻟﺸﻔﺘﻮ .. ﺇﻧﺖ ﺷﻔﺖ ﺷﻨﻮ ؟ ﻣﺎﻟﻘﻴﺖ ﻓﻲ ﺍﻟﻔﺮﻳﻖ ﻏﻴﺮﻫﺎ ؟ ﺑﻨﺎﺕ ﺍﻟﻘﺒﺎﻳﻞ ﻛﺘﺎﺍﺍﺍﺍﺍﺭ .. ﺑﻨﺎﺕ ﻋﻤﻚ ﻣﺎﻟﻬﻢ ؟ ﺑﻨﺎﺕ ﺃﺧﻮﺍﺗﻲ ﻣﺎﻟﻬﻢ ؟ ﺃﺧﺬ ﺃﺣﻤﺪ ﻳﻬﺪﺋﻬﺎ : ﻳﺎ ﺃﻣﻲ ﺃﺑﻮﻱ ﺃﺩﻯ ﻛﻠﻤﺔ ﻗﺎﻃﻌﺘﻪ ﺑﺤﺪﺓ : ﻣﺎ ﻋﻨﺪﻱ ﺷﻐﻠﺔ ﺑﻲ ﻛﻠﻤﺘﻮ ! ﻭﺃﻧﺎ ﻣﺎ ﻋﻨﺪﻱ ﻛﻠﻤﺔ ﻓﻲ ﺍﻟﺒﻴﺖ ﺩﻩ ؟؟ ﻗﺎﻃﻌﻬﻤﺎ ﺻﻮﺕ ﺍﻟﻤﺠﺬﻭﺏ ﺍﻟﺠﻬﻮﺭﻱ ﻗﺎﺋﻼ : " ﺩﻩ ﻣﻨﻮ ﺍﻟﻜﻠﻤﺘﻮ ﻓﻮﻕ ﻛﻠﻤﺘﻲ ؟؟ ﺻﻤﺖ ﺃﺣﻤﺪ ﻭﺗﻠﻌﺜﻤﺖ ﺍﻟﺸﺎﻡ ﻗﺎﺋﻠﺔ : ﺍﻟﻌﻔﻮ ﻳﺎ ﻭﺩ ﻋﻤﻲ .. ﻟﻜﻦ ﺃﻧﺎ ﻣﺎﺩﺍﻳﺮﺓ ﺑﺖ ﺯﻳﻨﺐ ﺩﻱ ﻷﺣﻤﺪ ﻭﻟﺪﻱ .. ﺃﺭﺍﺡ ﺍﻟﻤﺠﺬﻭﺏ ﻗﺒﻀﺘﻪ ﻓﻮﻕ ﻋﺼﺎﻩ ﻭﻫﻮ ﻳﻘﻮﻝ : ﻟﻴﻪ ﻋﺸﺎﻥ ﻛﻼﻡ ﺍﻟﻨﺎﺱ ؟؟ ﺑﻄﻠﻲ ﻧﻘﺼﺎﻥ ﺍﻟﻌﻘﻞ ﺩﻩ ﻳﺎ ﻭﻟﻴﺔ .. ﻭﺑﻌﺪﻳﻦ ﻫﺴﻲ ﻣﺮﻕ ﻣﻨﻲ ﺍﻟﺴﻨﺠﻚ ﻭﺣﺪﺩﻧﺎ ﺍﻟﻌﻘﺪ ﻳﻮﻡ ﺍﻟﺠﻤﻌﺔ ..! ﻭﺭﻓﻊ ﺇﺻﺒﻌﻪ ﻣﻬﺪﺩﺍ" : ﺗﻠﺒﺴﻲ ﺗﻮﺑﻚ ﻭﺗﻤﺸﻲ ﺗﺤﻀﺮﻱ ﻋﻘﺪ ﻭﻟﺪﻙ ﻣﻊ ﺍﻟﻨﺴﻮﺍﻥ ﻭﻋﻠﻲ ﺑﺎﻟﻄﻼﻕ ﻭﺗﺤﺮﻣﻲ ﻋﻠﻲ ﻟﻮ ﺯﺩﺗﻲ ﻛﻠﻤﺔ ﻓﻲ ﺍﻟﻤﻮﺿﻮﻉ ﺩﻩ ! ﺳﺪﺕ ﺍﻟﻌﺒﺮﺓ ﺣﻠﻖ ﺍﻟﺸﺎﻡ ﻟﻜﻨﻬﺎ ﻟﻢ ﺗﺰﺩ ﺣﺮﻓﺎ " .. . . . يتبع اعادة الحلقه لعاصم وعزو المسلسل اليومي (مايا) الحلقة 11 . . ﺗﻌﺎﻟﺖ ﺍﻟﺰﻏﺎﺭﻳﺪ ﻓﻲ ﺑﻴﺖ ﺍﻟﺴﻨﺠﻚ ﻣﻊ ﺩﺧﻮﻝ ﺃﻓﻮﺍﺝ ﺍﻟﻨﺴﺎﺀ .. ﻧﺤﺮﺕ ﺍﻟﺬﺑﺎﺋﺢ ﻭﺇﺯﺩﺍﺩﺕ ﺍﻟﺤﺮﻛﺔ ﻭﺍﻟﻨﺸﺎﻁ ﻹﻋﺪﺍﺩ ﺍﻟﻄﻌﺎﻡ ﻭﺇﻛﺮﺍﻡ ﺍﻟﻀﻴﻮﻑ ﺍﻟﻮﺍﻓﺪﻳﻦ .. ﻭﺇﻧﺸﻐﻠﺖ ﺯﻳﻨﺐ ﻣﺎ ﺑﻴﻦ ﺗﻠﻘﻴﻬﺎ ﺍﻟﺘﻬﺎﻧﻲ ﻭﺇﻋﻄﺎﺀ ﺍﻟﺘﻮﺟﻴﻬﺎﺕ ﻟﻠﻄﺒﺎﺧﻴﻦ .. ﻧﺎﺩﺗﻬﺎ ﺇﺣﺪﻯ ﺍﻟﻔﺘﻴﺎﺕ ﻭﻫﻤﺴﺖ ﻓﻲ ﺃﺫﻧﻬﺎ : ﻳﺎ ﺧﺎﻟﺘﻲ ﺯﻳﻨﺐ .. ﺟﻴﺖ ﻣﻦ ﺑﻴﺖ ﺣﺎﺟﺔ ﺁﻣﻨﺔ .. ﻗﺎﻟﺖ ﻟﻴﻚ ﺍﻟﻌﺮﻭﺱ ﻣﻨﺸﻔﺔ ﺭﺍﺳﻬﺎ ﻣﺎ ﺩﺍﻳﺮﺓ ﺗﻠﺒﺲ .. ﺯﻳﻨﺐ ﺑﻨﻔﺎﺫ ﺻﺒﺮ : ﺃﺣﻴﻴﻴﻲ .. ﻃﻴﺐ ﺃﻧﺎ ﺑﺠﻲ ﻫﺴﺔ .. ﺇﻧﺴﺤﺒﺖ ﻣﻦ ﺍﻟﺒﺎﺏ ﺍﻟﺨﻠﻔﻲ ﻧﺤﻮ ﺑﻴﺖ ﺣﺎﺟﺔ ﺁﻣﻨﺔ .. ﻭﺻﻠﺖ ﻭﺩﺧﻠﺖ ﺍﻟﻐﺮﻓﺔ ﺍﻟﻤﻮﺟﻮﺩﺓ ﺑﻬﺎ ﻣﺎﻳﺎ ﻟﺘﺠﺪﻫﺎ ﻣﺴﺘﻠﻘﻴﺔ ﺗﻨﺘﺤﺐ..ﻭﺿﻌﺖ ﻳﺪﻫﺎ ﻋﻠﻰ ﺭﺃﺳﻬﺎ ﻗﺎﺋﻠﺔ : ﻳﺎ ﺑﺘﻲ ﻗﻮﻣﻲ ﺃﻟﺒﺴﻲ .. ﺍﻟﻌﻘﺪ ﺣﻴﺘﻢ ﻫﺴﺔ ﻭﻧﺴﺎﺑﺘﻚ ﺣﻴﺠﻮ ﻳﺒﺎﺭﻛﻮ ﻟﻴﻚ .. ﻓﻲ ﺗﻠﻚ ﺍﻟﻠﺤﻈﺔ ﺗﻌﺎﻟﺖ ﺃﺻﻮﺍﺕ ﺍﻟﺬﺧﻴﺮﺓ ﻭﺯﻏﺎﺭﻳﺪ ﺍﻟﻨﺴﺎﺀ ﻣﻌﻠﻨﺔ ﺇﺗﻤﺎﻡ ﺍﻟﻌﻘﺪ ""!!! ﻰ ﺃﺣﻤﺪ ﺑﻘﺎﻣﺘﻪ ﺍﻟﻔﺎﺭﻋﺔ ﻭﻟﻮﻧﻪ ﺍﻟﻘﻤﺤﻲ ﺍﻟﻤﺸﺮﺏ ﺑﺴﻤﺮﺓ ﺣﺎﻣﻼ " ﺳﻮﻃﻪ ﻳﺒﺸﺮ ﺑﻪ ﻭﻣﻌﻪ ﺇﺯﺩﺍﺩﺕ ﻗﻮﺓ ﻭﺗﺮﺩﺩ ﺍﻟﺰﻏﺎﺭﻳﺪ .. ﻭﻣﻌﻪ ﺃﺧﻮﺍﺗﻪ ﻭﺍﻟﺸﺎﻡ ﻭﻫﻲ ﺗﻤﺸﻲ ﺑﺠﺎﻧﺒﻪ ﻭﻋﻨﺪﻣﺎ ﻭﻗﻌﺖ ﻋﻴﻨﺎﻫﺎ ﻋﻠﻰ ﻣﺎﻳﺎ ﺭﻓﻌﺖ ﺣﺎﺟﺒﻴﻬﺎ ﺑﺈﺯﺩﺭﺍﺀ ﺧﻔﻲ ﻭﺗﻘﺪﻣﺖ ﻟﺘﺒﺎﺭﻙ ﻟﻬﺎ .. ﻓﻬﻤﺴﺖ ﺯﻳﻨﺐ ﻓﻲ ﺃﺫﻥ ﻣﺎﻳﺎ : ﻓﺮﻱ ﻭﺷﻚ ﺩﻩ ﺷﻮﻳﺔ ﻧﺴﻴﺒﺘﻚ ﺟﺎﻳﺔ ﻋﻠﻴﻚ .. ﻋﺎﻧﻘﺖ ﺯﻳﻨﺐ ﺃﺣﻤﺪ ﻣﺒﺎﺭﻛﺔ : ﺷﻴﻠﻬﺎ ﻓﻲ ﻋﻮﻳﻨﺎﺗﻚ ﻳﺎ ﻭﻟﺪﻱ .. ﺃﺣﻤﺪ : ﻣﺎ ﺗﺸﻴﻠﻲ ﻫﻢ .. ﻟﺴﺔ ﺣﺘﻘﻌﺪ ﻣﻌﺎﻙ 4 ﺳﻨﻴﻦ .. ﻭﺑﺎﺭﻙ ﻟﻤﺎﻳﺎ ﻣﺤﺘﻀﻨﺎ" ﻛﻔﻬﺎ ﺍﻟﺒﺾ ﺑﻴﻦ ﻳﺪﻳﻪ ﻭﻣﺘﺄﻣﻼ " ﻗﺴﻤﺎﺗﻬﺎ ﺍﻟﻨﺎﻋﻤﺔ ﻭﺷﻌﺮﻫﺎ ﺍﻟﻤﻨﺴﺪﻝ ﻋﻠﻰ ﻇﻬﺮﻫﺎ ﻛﺸﻼﻝ ﻣﻦ ﺍﻟﻌﺴﻞ .. ﻭﻫﻤﺲ ﻟﻬﺎ : ﻣﺒﺮﻭﻙ .. ﻗﺎﻟﺖ وهي ﺧﺎﻓﻀﺔ ﺭﺃﺳﻬﺎ : ﺍﻟﻠﻪ ﻳﺒﺎﺭﻙ ﻓﻴﻚ .. ﺇﻧﺴﺤﺐ ﺃﺣﻤﺪ ﻋﻨﺪﻣﺎ ﺃﺷﺎﺭﺕ ﻟﻪ ﻭﺍﻟﺪﺗﻪ ﻭﺗﻘﺪﻣﺖ ﻟﺘﺒﺎﺭﻙ ﻟﺰﻳﻨﺐ ﺑﺴﻌﺎﺩﺓ ﻣﺼﻄﻨﻌﺔ ﺛﻢ ﺇﺣﺘﻀﻨﺖ ﻣﺎﻳﺎ ﻗﺎﺋﻠﺔ : ﺃﺑﻘﻲ ﻋﺸﺮﺓ ﻋﻠﻰ ﻭﻟﺪﻱ ﺩﻩ .. ﺃﻭﻣﺄﺕ ﻣﺎﻳﺎ ﻭﻫﻲ ﺗﺘﻤﺘﻢ .. ﻧﺎﺩﺕ ﺍﻟﺸﺎﻡ ﻟﺒﻨﺎﺗﻬﺎ : ﺟﻴﺒﻮ ﺍﻟﻬﺪﺍﻳﺎ ﺩﻱ ﻭﺍﻟﻄﻘﻢ ﺣﻖ ﺍﻟﻌﺮﻭﺱ .. ﻭﺇﻟﺘﻔﺘﺖ ﻧﺤﻮ ﺯﻳﻨﺐ ﻣﻜﻤﻠﺔ : ﺃﺣﻤﺪ ﺃﺻﺮ ﺇﻻ ﻳﺠﻴﺐ ﻟﻴﻬﺎ ﺯﻱ ﻧﺎﺱ ﺍﻟﺨﺮﻃﻮﻡ ﻣﺎ ﺑﺴﻮﻭﺍ ﻓﻲ ﺃﻋﺮﺍﺳﻬﻢ .. ﺇﺑﺘﺴﻤﺖ ﺯﻳﻨﺐ ﻣﺠﺎﻣﻠﺔ .. ﺃﺗﺖ ﺃﺧﺘﻪ ﺍﻟﺼﻐﺮﻯ ﺗﺤﻤﻞ ﻋﻠﺒﺔ ﻣﺠﻮﻫﺮﺍﺕ ﺑﻬﺎ ﻃﻘﻢ ﺫﻫﺒﻲ ﻳﺨﻄﻒ ﺍﻷﻧﻔﺎﺱ .. ﻧﺎﺩﺕ ﺯﻳﻨﺐ ﻹﺣﺪﻯ ﺍﻟﻔﺘﻴﺎﺕ : ﺟﻴﺒﻲ ﻛﺮﺳﻲ ﻷﻡ ﺍﻟﻌﺮﻳﺲ ﺧﻠﻴﻬﺎ ﺗﻘﻌﺪ ﺟﻨﺐ ﻋﺮﻭﺱ ﻭﻟﺪﻫﺎ .. ﺟﻠﺴﺖ ﺍﻟﺸﺎﻡ ﻭﻓﺘﺤﺖ ﺍﻟﻌﻠﺒﺔ ﻭﻫﻤﺖ ﺑﺈﺯﺍﻟﺔ ﺍﻟﻌﻘﺪ ﺍﻟﻔﻀﻲ ﻣﻦ ﺭﻗﺒﺔ ﻣﺎﻳﺎ ﻣﻨﻌﺘﻬﺎ ﻣﺎﻳﺎ ﺑﺤﺮﻛﺔ ﻣﻦ ﻳﺪﻫﺎ ﻗﺎﺋﻠﺔ : ﺧﻠﻴﻪ ﻳﺎ ﺧﺎﻟﺘﻲ .. ﻟﺒﺴﻴﻨﻲ ﺩﻩ ﻣﻦ ﻓﻮﻗﻮ .. ﺃﻏﻠﻘﺖ ﺍﻟﺸﺎﻡ ﺍﻟﻌﻠﺒﺔ ﺑﻐﻀﺐ ﻣﻜﺘﻮﻡ ﺇﻧﺘﺒﻬﺖ ﻟﻪ ﺯﻳﻨﺐ ﻭﺳﺎﺭﻋﺖ ﺑﺎﻹﻋﺘﺬﺍﺭ : ﻣﻌﻠﻴﺶ ﻳﺎﻟﺸﺎﻡ ﻳﺎﺧﺘﻲ ﺩﻩ ﻫﺪﻳﺔ ﻣﻦ ﻋﻤﺮﺓ ﺃﺑﻮﻫﺎ ﻭﺣﻠﻔﻬﺎ ﻛﺎﻥ ﺗﻤﺮﻗﻮ .. ﻻﻧﺖ ﻗﺴﻤﺎﺕ ﺍﻟﺸﺎﻡ ﻭﻫﻲ ﺗﻌﺎﻭﺩ ﻓﺘﺢ ﺍﻟﻌﻠﺒﺔ ﻭﺗﻜﻤﻞ ﺇﻟﺒﺎﺱ ﺍﻟﺸﺒﻜﺔ .. . . . ﻏﺮﺑﺖ ﺷﻤﺲ ﺁﺧﺮ ﺃﻳﺎﻡ ﺇﺟﺎﺯﺓ ﻣﺎﻳﺎ ﻭﺇﻧﻘﻀﻰ ﺍﻟﺸﻬﺮﺍﻥ ﺑﺴﺮﻋﺔ .. ﻛﺎﻥ ﺍﻟﻤﻨﺰﻝ ﻫﺎﺩﺋﺎ " ﻣﺎ ﻋﺪﺍ ﺑﻌﺾ ﻗﺮﻳﺒﺎﺕ ﺯﻳﻨﺐ ﻳﺴﺎﻋﺪﻧﻬﺎ ﻓﻲ ﺗﺮﺗﻴﺐ ﻭ ﺗﻨﻈﻴﻢ ﺃﻣﺘﻌﺔ ﻣﺎﻳﺎ .. ﻓﻲ ﻏﺮﻓﺘﻬﺎ ﻭﺣﻴﺪﺓ ﺇﺳﺘﻠﻘﺖ ﻣﺎﻳﺎ ﻋﻠﻰ ﺇﺣﺪﻯ ﺍﻷﺳﺮﺓ ﺗﺪﻳﺮ ﺍﻟﺪﺑﻠﺔ ﺍﻟﺬﻫﺒﻴﺔ ﻓﻲ ﺧﻨﺼﺮﻫﺎ ﺍﻷﻳﺴﺮ ﻭﻋﻘﻠﻬﺎ ﺳﺎﺭﺡ ﻓﻲ ﺍﻟﺘﻔﻜﻴﺮ ﻓﻲ ﺃﻛﺮﻡ ﻭﻣﺎﺫﺍ ﺳﻴﻜﻮﻥ ﺣﺎﻟﻪ ﻟﻮ ﻋﻠﻢ ﺑﻤﺎ ﺣﺪﺙ ﻟﻬﺎ .. ﻓﻜﺮﺕ ﻫﻞ ﻛﺎﻥ ﻣﻦ ﺍﻟﺼﺤﻴﺢ ﻏﻠﻖ ﺍﻟﻤﻮﺑﺎﻳﻞ ﻭﻗﻄﻊ ﺇﺗﺼﺎﻟﻪ ﻋﻨﻬﺎ .. ﻗﺎﻣﺖ ﺇﻟﻰ ﺧﺰﺍﻧﺘﻬﺎ ﻭﺃﺧﺮﺟﺖ ﺍﻟﻤﻮﺑﺎﻳﻞ ﺍﻟﻤﻐﻠﻖ ﻭﺗﺄﻣﻠﺘﻪ ﻣﺘﺮﺩﺩﺓ ﻓﻲ ﻓﺘﺤﻪ .. ﺟﺎﺀﻫﺎ ﺻﻮﺕ ﺯﻳﻨﺐ : ﻣﺎﻳـــــــــﺎ .. ﻭﺿﻌﺘﻪ ﻓﻲ ﺍﻟﺴﺮﻳﺮ ﺧﺮﺟﺖ ﻣﺎﻳﺎ ﻣﻦ ﻏﺮﻓﺘﻬﺎ ﻧﺤﻮ ﺍﻟﺪﻳﻮﺍﻥ ﻟﺘﺠﺪ ﻭﺍﻟﺪﺗﻬﺎ ﻭﺃﺣﻤﺪ ﺟﺎﻟﺴﻴﻦ ﻓﺘﺮﺍﺟﻌﺖ ﺑﺬﻋﺮ .. ﻛﺘﻢ ﺃﺣﻤﺪ ﺃﻧﻔﺎﺳﻪ ﻟﺮﺅﻳﺘﻬﺎ ﺑﻔﺴﺘﺎﻥ ﻗﺼﻴﺮ ﻳﻜﺸﻒ ﻋﻦ ﺳﺎﻗﻴﻬﺎ ﺍﻟﻌﺎﺟﻴﺘﻴﻦ ﺍﻟﻤﻤﺘﻠﺌﺘﻴﻦ .. ﻭﺫﺭﺍﻋﻴﻬﺎ ﺍﻟﺒﻀﺘﻴﻦ ﻓﻮﻕ ﺧﺼﺮ ﺻﻐﻴﺮ ﻭﺟﺴﺪ ﻣﺒﺮﻭﻡ .. ﺇﺭﺗﺪﺕ ﺛﻮﺑﻬﺎ ﻭﻋﺎﺩﺕ ﻟﺘﺠﻠﺲ ﺑﺠﺎﻧﺐ ﻭﺍﻟﺪﺗﻬﺎ ﺍﻟﺘﻲ ﻗﺎﻟﺖ ﺿﺎﺣﻜﺔ : ﺇﻧﺘﻲ ﺑﺘﺨﺘﺸﻲ ﻣﻦ ﺭﺍﺟﻠﻚ ؟؟ ﺑﻌﺪﻳﻦ ﺣﺘﺴﻮﻱ ﺷﻨﻮ ؟ ﻭﻗﺎﻣﺖ ﺧﺎﺭﺟﺔ ﻭﻫﻲ ﻣﻜﻤﻠﺔ : ﺃﺧﺪﻭ ﺭﺍﺣﺘﻜﻢ ﻣﺴﺎﻓﺔ ﺃﺟﻬﺰ ﺍﻟﻐﺪﺍ .. ﻋﻨﺪﻣﺎ ﺃﺻﺒﺤﺎ ﻭﺣﺪﻫﻤﺎ ﻏﺮﻗﺖ ﻣﺎ ﻓﻲ ﺍﻟﺼﻤﺖ ﻭﻟﻢ ﺗﺮﻯ ﻧﻈﺮﺍﺕ ﺃﺣﻤﺪ ﺍﻟﻤﺘﺄﻣﻠﺔ .. ﻧﻬﺾ ﻟﻴﺠﻠﺲ ﺑﺠﺎﻧﺒﻬﺎ ﻭﻳﻤﺴﻚ ﺑﻴﺪﻫﺎ ﻗﺎﺋﻼ " : ﺇﻧﺘﻲ ﺑﺘﺨﺠﻠﻲ ﻣﻨﻲ ؟ ﺩﺍﺳﺔ ﺣﺎﺟﺎﺗﻚ ﺍﻟﺴﻤﺤﺔ ﺩﻱ ..؟ ﻭﺃﺭﺟﻊ ﺍﻟﺜﻮﺏ ﻟﻴﺴﻘﻂ ﻋﻦ ﻛﺘﻔﻴﻬﺎ ﻭﺃﻣﺴﻜﻬﺎ ﻟﻴﻘﺮﺑﻬﺎ ﻣﻨﻪ ﻭﻳﻄﺒﻊ ﻗﺒﻠﺔ ﻋﻠﻰ ﺷﻔﺘﻴﻬﺎ .. ﺇﻧﺘﻔﻀﺖ ﻣﺎﻳﺎ ﻭﺍﻗﻔﺔ ﻛﺎﻟﻤﻠﺴﻮﻋﺔ ﻓﺈﻧﺪﻫﺶ ﺃﺣﻤﺪ ﻭﺗﻤﺘﻢ : ﻣﺎﻟﻚ ﻓﻲ ﺷﻨﻮ ؟ ﺃﻧﺎ ﻋﻤﻠﺖ ﺣﺎﺟﺔ ﻏﻠﻂ ؟ ﺭﻓﻌﺖ ﻣﺎﻳﺎ ﺛﻮﺑﻬﺎ ﻗﺎﺋﻠﺔ ﺑﻐﻀﺐ : ﺍﻟﺒﺘﻌﻤﻞ ﻓﻴﻪ ﺩﻩ ﻣﺎ ﻭﻗﺘﻮ ! ﻭﻗﻒ ﺃﺣﻤﺪ ﻣﺘﺤﻔﺰﺍ" ﻭﻫﻮ ﻳﻘﻮﻝ : ﻭﻗﺘﻮ ﻣﺘﻴﻦ ؟ ﻣﻦ ﻳﻮﻡ ﺍﻟﻌﻘﺪ ﻭﺇﻧﺘﻲ ﻣﺎ ﻗﻠﺒﺘﻲ ﻣﻌﺎﻱ ﻛﻠﻤﺘﻴﻦ ﻋﻠﻰ ﺑﻌﻀﻬﻢ ﻭﻻ ﻗﻌﺪﻧﺎ ﺳﻮﺍ ﺑﺮﺍﻧﺎ .. ﺃﻧﺎ ﺩﺍﻳﺮ ﺃﻓﻬﻢ ﺇﻧﺘﻲ ﻣﺮﺗﻲ ﻭﻻ ﺧﻄﻴﺒﺘﻲ ؟؟ ﺭﺩﺕ ﻣﺎﻳﺎ ﺑﺤﺪﺓ ﻷﻭﻝ ﻣﺮﺓ : ﺃﻳﻮﺓ ﻣﺎ ﻭﻗﺘﻮ ! ﺑﻌﺪ ﺃﻣﺸﻲ ﺑﻴﺘﻚ ﺑﺒﻘﻰ ﻭﻗﺘﻮ ! ﺇﺣﺘﺮﻡ ﺑﻴﺖ ﺍﻟﺮﺍﺟﻞ ﺍﻹﻧﺖ ﻓﻴﻪ !! ﺇﻋﺘﺼﺮ ﻗﺒﻀﺘﻪ ﺑﻐﻀﺐ ﻭﻗﺎﻝ ﻣﻦ ﺑﻴﻦ ﺃﺳﻨﺎﻧﻪ : ﻃﻴﺐ ﻳﺎ ﺑﺖ ﺍﻟﻨﺎﺱ .. ﺃﺟﻬﺰﻱ ﻋﺸﺎﻥ ﺃﻭﺻﻠﻚ ﻣﻮﻗﻒ ﺍﻟﺒﺎﺻﺎﺕ .. ﻭﺧﺮﺝ ﺑﺨﻄﻮﺍﺕ ﻭﺍﺳﻌﺔ .. . ﻇﻠﺖ ﻣﺎﻳﺎ ﻃﻮﺍﻝ ﺍﻟﻄﺮﻳﻖ ﻧﺤﻮ ﺍﻟﺨﺮﻃﻮﻡ ﺗﻔﻜﺮ ﻓﻲ ﺣﻴﺎﺗﻬﺎ ﺍﻟﺘﻲ ﺇﻧﻌﻄﻔﺖ ﺑﺸﻜﻞ ﺧﻄﻴﺮ .. ﻭﺍﻟﺠﺎﻣﻌﺔ ﻭﺭﻳﻢ ﻭﺃﻫﻠﻬﺎ ﻭ ... ﺃﻛﺮﻡ ..! ﻣﺎﺫﺍ ﺳﺘﻘﻮﻝ ﻟﻪ ؟ ﺣﺴﻤﺖ ﺃﻣﺮﻫﺎ ﺑﺄﻧﻬﺎ ﺳﺘﺨﻔﻲ ﺯﻭﺍﺟﻬﺎ ﻋﻦ ﺃﻛﺮﻡ ﻭﺗﺨﺒﺮ ﺃﺣﻤﺪ ﺑﻜﻞ ﺍﻟﻘﺼﺔ ﻭﺗﻄﻠﺐ ﺍﻟﻄﻼﻕ ﻓﻲ ﺇﺟﺎﺯﺗﻬﺎ ﺍﻟﻘﺎﺩﻣﺔ ﻭﻟﻴﺤﺪﺙ ﻣﺎ ﻳﺤﺪﺙ .. ﺇﺳﺘﻘﺒﻠﺘﻬﺎ ﺭﻳﻢ ﺑﻌﺪ ﺃﻥ ﺗﻠﻘﺖ ﻣﻜﺎﻟﻤﺘﻬﺎ .. ﺑﻌﺪ ﺃﻥ ﺇﺳﺘﻘﺮﺕ ﻓﻲ ﺍﻟﺴﻴﺎﺭﺓ ﺇﻧﺘﺒﻬﺖ ﺭﻳﻢ ﻟﺼﻤﺘﻬﺎ ﻓﺴﺄﻟﺘﻬﺎ : ﻣﺎﻳﺎ ﻣﺎﻟﻚ ؟ ﺃﻃﺮﻗﺖ ﻣﺎﻳﺎ ﻗﺎﺋﻠﺔ ﻭﻫﻲ ﺗﺨﺮﺝ ﺍﻟﺪﺑﻠﺔ ﻣﻦ ﺍﻟﺸﻨﻄﺔ : ﻋﻘﺪﻭ ﻋﻠﻲ ﻳﺎ ﺭﻳﻢ !! ﺭﻳﻢ : ﺷﻨﻮ ؟؟؟ ﻭﺃﻛﺮﻡ ؟ ﻳﺎﺑﺖ ﺩﻩ ﻛﺎﻥ ﺣﻴﺠﻦ ﻋﻠﻴﻚ ﻭﻛﺎﻥ ﺣﻴﺴﺎﻓﺮ ﻟﻴﻚ "". .

المسلسل اليومي ( مايا)
ﻟﺤﻠﻘﺔ ﺍﻟﻌﺎﺷﺮﺓ
.
.
.
ﺗﺄﻣﻠﺖ ﻣﺎﻳﺎ ﺇﺳﻤﻬﺎ ﺍﻟﻤﺘﺪﻟﻲ ﻣﻦ ﺍﻟﺴﻠﺴﻠﺔ ﺍﻟﺬﻫﺒﻴﺔ ﺑﺬﻫﻮﻝ !
ﺇﺑﺘﻠﻌﺖ ﺭﻳﻘﻬﺎ ﻭﻫﻲ ﺗﺴﺄﻝ : ﺩﻩ ﺣﻘﻲ ؟؟
ﺟﻠﺴﺖ ﺯﻳﻨﺐ ﺑﺠﺎﻧﺒﻬﺎ ﻭﺃﺣﺎﻃﺖ ﻋﻨﻘﻬﺎ ﺑﺎﻟﻌﻘﺪ ﻗﺎﺋﻠﺔ : ﻣﻦ ﺑﺪﺭﻱ .. ﻛﻨﺘﻲ
ﺑﺘﻠﺒﺴﻴﻪ ﻭﺇﻧﺘﻲ ﺻﻐﻴﺮﺓ ﻟﻜﻦ ﺑﻌﺪ ﺩﺧﻠﺘﻲ ﺍﻟﻤﺪﺭﺳﺔ ﺧﻔﺖ ﻳﺴﺮﻗﻮﻩ ﻣﻨﻚ ﻟﻤﻴﺘﻮ
ﺟﻮﺓ ﻭﻧﺴﻴﺘﻮ ..
ﺃﺑﻌﺪﺕ ﻣﺎﻳﺎ ﻳﺪ ﻭﺍﻟﺪﺗﻬﺎ ﺑﺮﻓﻖ ﻭﻫﻲ ﺗﻘﻮﻝ : ﺧﻠﻴﻪ .. ﺑﻠﺒﺲ ﺍﻟﻔﻀﺔ ﻷﻧﻮ
ﻫﺪﻳﺔ ..
ﻭﺣﺘﻰ ﺗﻤﻨﻊ ﺃﺳﺌﻠﺔ ﻭﺍﻟﺪﺗﻬﺎ ﺃﺭﺩﻓﺖ ﺑﺴﺮﻋﺔ ﻭﻫﻲ ﺗﻔﺘﺢ ﺣﻘﻴﺒﺔ ﺍﻟﺴﻔﺮ ﻭﺗﺨﺮﺝ
ﻛﻴﺴﺎ" ﺃﺣﻤﺮ : ﺷﻮﻓﻲ ﻳﺎ ﺃﻣﻲ ﺩﻩ ﺭﺳﻠﺘﻮ ﻟﻴﻚ ﺧﺎﻟﺘﻮ ﺣﻨﺎﻥ ﺃﻡ ﺭﻳﻢ ..
ﺗﻤﺘﻤﺖ ﺯﻳﻨﺐ ﻭﻫﻲ ﺗﺘﻔﺤﺺ ﺍﻟﺜﻮﺏ ﺑﺈﻋﺠﺎﺏ : ﺣﻠﻮ ﻭﺍﻟﻠﻪ .. ﻛﺘﺮ ﺧﻴﺮﻫﺎ
ﺻﺎﺣﺒﺔ ﻭﺍﺟﺐ ..
ﺃﺧﺮﺟﺖ ﻣﺎﻳﺎ ﻛﻴﺴﺎ" ﺁﺧﺮ : ﻭﺩﻩ ﺟﺒﺘﻮ ﻟﻴﻚ ﺃﻧﺎ !..
ﺿﺤﻜﺖ ﺯﻳﻨﺐ ﺑﺴﻌﺎﺩﺓ ﻭﻫﻲ ﺗﺘﺄﻣﻞ ﺍﻟﺜﻮﺏ ﻭﺃﻟﻮﺍﻧﻪ ﺍﻟﺰﺍﻫﻴﺔ : ﻭﺍﻟﻠﻪ ﻳﺎ ﺑﺘﻲ ﺩﻩ
ﺃﺳﻤﺢ ﻣﻦ ﺍﻟﺘﺎﻧﻲ .. ﺫﻭﻗﻚ ﺳﻤﺢ ﺃﻧﺎ ﺑﻌﺮﻓﻮ .. ﺩﻩ ﺑﺨﻠﻴﻪ ﻟﻤﻦ ﻳﺨﻄﺒﻮﻙ
ﺑﻠﺒﺴﻮ ..
ﺇﺣﻤﺮﺕ ﺧﺪﻭﺩ ﻣﺎﻳﺎ ﻓﺄﺭﺩﻓﺖ ﺯﻳﻨﺐ ﻭﻫﻲ ﺗﻀﻊ ﺍﻟﺜﻮﺏ ﻣﻦ ﻳﺪﻳﻬﺎ : ﻟﻴﻪ ﻣﺎ
ﺣﺪﺛﺘﻴﻨﻲ ﻣﻦ ﺑﺪﺭﻱ ﺑﺎﻟﻘﺼﺔ ﺩﻱ ؟ ﻟﻜﻦ ﻣﺎ ﺑﺘﻔﻮﺕ ﻋﻠﻲ ! ﺃﻧﺎ ﺃﻣﻚ ﻭﺑﻌﺮﻓﻚ
ﺳﻤﺢ !
ﺗﻠﻌﺜﻤﺖ ﻣﺎﻳﺎ ﺑﺤﺮﺝ ﻭﻫﻲ ﺗﻘﻮﻝ : ﻗﺼﺔ ﺷﻨﻮ ﻳﻤﺔ ؟
ﻗﺮﺻﺘﻬﺎ ﺯﻳﻨﺐ ﺑﻠﻄﻒ ﻋﻠﻰ ﺧﺪﻫﺎ ﻗﺎﺋﻠﺔ : ﻗﺼﺔ ﺍﻟﻬﻮﻯ ﺍﻟﺮﻳﺪ ﺑﺘﺎﻋﺘﻚ ﺩﻱ ؟ !
ﻭﻗﻔﺖ ﻣﺎﻳﺎ : ﻳﻤﺔ ﻛﻨﺖ ﺑﺪﻭﺭ ﺃﺣﺪﺛﻚ ﻟﻜﻦ ﻣﺎ ﺭﻗﺖ ﻟﻠﺤﺪﻳﺚ ..
ﻧﻈﺮﺕ ﺇﻟﻴﻬﺎ ﺯﻳﻨﺐ ﻧﻈﺮﺓ ﺫﺍﺕ ﻣﻌﻨﻰ ﻭﻗﺎﻟﺖ ﻭﻫﻲ ﺗﻠﻤﻠﻢ ﺍﻷﻛﻴﺎﺱ ﺍﻟﻤﺘﻨﺎﺛﺮﺓ :
ﻫﺴﻲ ﻭﻗﺖ ﺍﻟﺤﺪﻳﺚ ﻓﺎﺕ .. ﺃﺑﻮﻛﻲ ﻋﺮﻑ ﻭﻭﺍﻓﻖ ..
ﺗﺴﻤﺮﺕ ﻣﺎﻳﺎ ﻭﻫﻲ ﺗﻨﻈﺮ ﻟﻮﺍﻟﺪﺗﻬﺎ ﻭﻗﺎﻟﺖ ﺑﻌﺪ ﺃﻥ ﺇﻟﺘﻘﻄﺖ ﺃﻧﻔﺎﺳﻬﺎ : ﻋﺮﻑ
ﺷﻨﻮ ﻳﻤﺔ ؟ ﺍﻟﻘﺎﻝ ﻟﻴﻪ ﻣﻨﻮ ؟؟
ﺇﻟﺘﻔﺘﺖ ﺯﻳﻨﺐ ﻧﺤﻮﻫﺎ : ﺃﺟﻲ ؟؟ ﻛﻴﻔﻦ ﻳﻌﻨﻲ ﺍﻟﻘﺎﻝ ﻟﻴﻪ ﻣﻨﻮ ؟ ﺟﺎ ﺍﻟﻤﺠﺬﻭﺏ
ﺑﻲ ﺭﻭﺣﻮ ﺧﻄﺒﻚ ﻷﺣﻤﺪ ﻭﻟﺪﻭ ﻭﺃﺑﻮﻙ ﺃﺩﺍﻩ ..
ﺩﺍﺭﺕ ﺍﻟﻐﺮﻓﺔ ﺣﻮﻝ ﻣﺎﻳﺎ ﻓﺠﻠﺴﺖ ﺑﻮﻫﻦ ﻋﻠﻰ ﺍﻟﻌﻨﻘﺮﻳﺐ ﻭﻫﻲ ﺗﺮﺩﺩ ﺑﺬﻫﻮﻝ :
ﺃﺣﻤﺪ ﻭﺩ ﺍﻟﻤﺠﺬﻭﺏ ؟ ﺃﺣﻤﺪ ؟
ﺿﻤﺘﻬﺎ ﻭﺍﻟﺪﺗﻬﺎ ﺑﺈﺷﻔﺎﻕ : ﻳﺎ ﺑﺖ ﻣﺎ ﺗﺨﺎﻓﻲ ﺳﺎﻱ .. ﺃﺑﻮﻙ ﻗﺎﻝ ﺷﺮﻃﻮ ﺇﻧﻚ
ﺗﺨﻠﺼﻲ ﺟﺎﻣﻌﺘﻚ ﺃﻭﻝ ﺑﻌﺪﻳﻦ ﻳﺴﻮﻭﺍ ﺍﻟﻌﺮﺱ ..
ﺳﺎﻟﺖ ﺩﻣﻮﻉ ﻣﺎﻳﺎ ﺑﻐﺰﺍﺭﺓ ﻭﻫﻲ ﺗﺘﻤﺘﻢ : ﻭﺃﻧﺎ ﻣﺎ ﺑﺸﺎﻭﺭﻭﻧﻲ ؟ ﻳﻤﻜﻦ
ﻣﺎﺩﺍﻳﺮﺍﻩ ؟
ﺯﻳﻨﺐ : ﺑﺴﻢ ﺍﻟﻠﻪ ﻳﺎ ﺑﺖ ﻣﺎﻟﻚ ﻫﺴﻲ ﺑﺘﺒﻜﻲ ؟ ﻭﺑﻌﺪﻳﻦ ﺃﺣﻤﺪ ﻋﻴﺒﻴﻪ ﻟﻲ ..
ﺃﺣﺴﻦ ﻭﻟﺪ ﻓﻲ ﺍﻟﻔﺮﻳﻖ ﻭﻋﻨﺪﻭ ﺷﻬﺎﺩﺓ ﺟﺎﻣﻌﺔ ﻭﺷﻐﺎﻝ ﻣﻊ ﺃﺑﻮﻩ .. ﺇﻧﺖ ﺩﺍﻳﺮﺓ
ﺃﺣﺴﻦ ﻣﻨﻮ ﻛﻴﻒ ؟
ﺇﺭﺗﻤﺖ ﻓﻲ ﺣﻀﻦ ﻭﺍﻟﺪﺗﻬﺎ ﻣﻨﺘﺤﺒﺔ : ﻣﺎﺩﺍﻳﺮﺍﻩ ﻳﻤﺔ ﻣﺎ ﺩﺍﻳﺮﺍﻩ .. ﻛﻠﻤﻲ ﺃﺑﻮﻱ
ﺃﻧﺎ ﻣﺎ ﺩﺍﻳﺮﺍﻩ ..
ﺇﻧﺪﻫﺸﺖ ﺯﻳﻨﺐ ﻟﺮﺃﻱ ﺇﺑﻨﺘﻬﺎ ﺍﻟﺘﻲ ﻛﺎﻧﺖ ﺳﻌﻴﺪﺓ ﻣﻨﺬ ﻟﺤﻈﺎﺕ .. ﺇﺣﺘﻀﻨﺘﻬﺎ
ﺑﺪﻑﺀ ﻗﺎﺋﻠﺔ : ﻛﺪﻱ ﺍﻟﻨﺸﻮﻑ ﻛﻼﻡ ﺃﺑﻮﻙ .. ﺧﻼﺹ ﺃﺳﻜﺘﻲ ﺷﻮﻳﺔ ..
.
.
) ﺃﻧﺎ ﺃﺩﻳﺖ ﺍﻟﻤﺠﺬﻭﺏ ﻛﻠﻤﺔ ﻭﺗﺎﻧﻲ ﻣﺎ ﺑﺮﺟﻊ ﻓﻴﻬﺎ (
ﺇﻧﺘﻔﺾ ﺍﻟﺴﻨﺠﻚ ﻋﻨﺪﻣﺎ ﺃﺧﺒﺮﺗﻪ ﺯﻳﻨﺐ ﺑﺮﺃﻱ ﺇﺑﻨﺘﻬﻤﺎ ..
ﺟﻠﺴﺖ ﺯﻳﻨﺐ ﻓﻲ ﺍﻟﻌﻨﻘﺮﻳﺐ ﺍﻟﻤﻮﺍﺟﻪ ﻟﻜﺮﺳﻴﻪ ﻗﺎﺋﻠﺔ : ﻛﺪﻱ ﺇﻧﺖ ﺇﺗﺤﺪﺙ ﻣﻌﺎﻫﺎ
ﺷﻮﻓﻬﺎ ﻣﺎﻟﻬﺎ ؟
ﻟﻮﺡ ﺑﺎﻟﺴﺒﺤﺔ ﺍﻟﺘﻲ ﻳﺤﻤﻠﻬﺎ ﺑﻴﻤﻨﺎﻩ : ﺃﻧﺎ ﺃﺳﺄﻟﻬﺎ ؟ ﻭﺇﻧﺘﻲ ﻣﺎ ﺳﺄﻟﺘﻴﻬﺎ ﻣﺎﻟﻚ ؟
ﺯﻳﻨﺐ : ﻭﺍﻟﻠﻪ ﻗﺪﺭ ﻣﺎ ﺣﻨﺴﺘﻬﺎ ﻣﺎﻗﺎﻟﺖ ﻟﻲ ﻏﻴﺮ ﻣﺎﺩﺍﻳﺮﺍﻩ !..
ﺇﺭﺗﻔﻊ ﺻﻮﺗﻪ ﻏﻀﺒﺎ : " ﺩﻩ ﺩﻟﻊ ﻓﺎﺭﻍ !! ﺍﻟﺒﺖ ﺩﻱ ﺭﺍﺳﻬﺎ ﺩﻩ ﺑﻘﻰ ﺃﻛﺒﺮ ﻣﻦ
ﺟﺘﺘﻬﺎ !! ﺩﺍﻳﺮﺓ ﺗﺠﻴﺐ ﻭﺍﺣﺪ ﻣﻦ ﻋﻴﺎﻝ ﺍﻟﺨﺮﻃﻮﻡ ﺍﻟﻌﻮﺍﻟﻴﻖ ﺩﻳﻞ ؟؟
ﻭﻗﻔﺖ ﺯﻳﻨﺐ ﺑﺠﺎﻧﺒﻪ ﻭﺇﻧﺤﻨﺖ ﺗﻘﺒﻞ ﺭﺃﺳﻪ ﺍﻟﺸﺎﺋﺐ ﺑﺤﻨﺎﻥ : ﺍﻟﻠﻪ ﻳﺮﺿﻰ ﻋﻠﻴﻚ
ﻗﻮﻡ ﺃﺧﺪ ﻣﻌﺎﻫﺎ ﺧﺸﻢ ﺧﺸﻤﻴﻦ ﻭﻃﻴﺐ ﺧﺎﻃﺮﻫﺎ .. ﻳﺎﻫﺎ ﺑﺘﻨﺎ ﺍﻟﻮﻳﺤﻴﺪﺓ ﻣﺎ
ﻋﻨﺪﻧﺎ ﻏﻴﺮﻫﺎ ..
ﻻﻥ ﻗﻠﺐ ﺍﻟﺴﻨﺠﻚ ﻭﻗﺴﻤﺎﺗﻪ ﻗﻠﻴﻼ " ﻭﻟﻜﻨﻪ ﺗﻤﺴﻚ ﺑﻤﻮﻗﻔﻪ ﻗﺎﺋﻼ " ﺑﺠﻔﺎﻑ :
ﻧﺎﺩﻳﻬﺎ ﻃﻴﺐ ﻧﺸﻮﻑ ﺭﺍﻳﻬﺎ ﺷﻨﻮ !
ﺃﺗﺖ ﻣﺎﻳﺎ ﺑﻌﻴﻨﻴﻦ ﺣﻤﺮﺍﻭﻳﻦ ﻣﻨﺘﻔﺨﺘﻴﻦ ﻭﺧﻄﻮﺍﺕ ﻣﺘﻌﺜﺮﺓ : ﻧﻌﻢ ﻳﺎﺑﺎ ..
ﺃﺷﺎﺭ ﺑﻌﺼﺎﺗﻪ ﻟﺘﺠﻠﺲ ﺑﺠﺎﻧﺐ ﺃﻣﻬﺎ .. ﺗﺄﻣﻞ ﻭﺟﻬﻬﺎ ﺍﻟﺒﺎﻛﻲ ﻣﻄﻮﻻ " ﺛﻢ ﺗﻨﺤﻨﺢ
ﻗﺎﺋﻼ " : ﺃﻣﻚ ﺣﺪﺛﺘﻚ ﺇﻧﻮ ﺍﻟﻤﺠﺬﻭﺏ ﺟﺎﻧﻲ ﻭﻃﻠﺒﻚ ﻟﻮﻟﺪﻭ ﺃﺣﻤﺪ .. ﻭﺃﻧﺎ ﺃﺩﻳﺘﻮ ..
ﺗﺪﺍﻓﻌﺖ ﺍﻟﺪﻣﻮﻉ ﺇﻟﻰ ﻋﻴﻨﻴﻬﺎ ﻭﻟﻢ ﺗﻌﻘﺐ ..
ﺇﻋﺘﺪﻝ ﻭﺍﻟﺪﻫﺎ ﻓﻲ ﻛﺮﺳﻴﻪ ﻭﺃﻛﻤﻞ : ﻭﺃﻣﻚ ﺟﺎﺕ ﻗﺎﻟﺖ ﻟﻲ ﺇﻧﺘﻲ ﺭﻓﻀﺘﻲ
ﻭﻛﺴﺮﺗﻲ ﻛﻠﻤﺘﻲ !! ﻣﺸﻴﺘﻮ ﻗﻠﺖ ﻳﻤﻜﻦ ﻋﻨﺪﻙ ﺳﺒﺐ .. ﺩﺣﻴﻦ ﺃﻧﺎ ﺳﺎﻣﻊ ..
ﺣﺪﺛﻴﻨﻲ ..
ﻗﺎﻟﺖ ﻣﺎﻳﺎ ﻣﻦ ﺑﻴﻦ ﺩﻣﻮﻋﻬﺎ : ﺃﻧﺎ ﻣﺎ ﺩﺍﻳﺮﺍﻩ ﻳﺎﺑﺎ ..
ﺻﺮ ﻋﻠﻰ ﺃﺳﻨﺎﻧﻪ ﻏﺎﺿﺒﺎ" : ﻭﺍﻟﺴﺒﺐ ﺷﻨﻮ ؟ ﻓﻲ ﺯﻭﻝ ﺗﺎﻧﻲ ؟؟ ﻣﻦ
ﺍﻟﺨﺮﻃﻮﻡ ؟؟
ﺗﺮﺩﺩﺕ ﻣﺎﻳﺎ ﻗﺒﻞ ﺃﻥ ﺗﻮﻣﺊ ﺑﺎﻹﻳﺠﺎﺏ ..
ﻫﺐ ﺍﻟﺴﻨﺠﻚ ﻭﺍﻗﻔﺎ" ﺑﻐﻀﺐ : ﻛﻤﺎﻥ ﺣﺼﻠﺖ ؟؟ ﻭﺍﺣﺪ ﻻ ﺑﻨﻌﺮﻑ ﻟﻴﻪ ﺃﺻﻞ ﻭﻻ
ﻓﺼﻞ ؟ ﻭﻻ ﺑﻴﻌﺮﻓﻨﺎ ﻭﻻ ﺣﻴﻔﻬﻤﻨﺎ ﻭﻻ ﺣﻴﻔﻬﻢ ﻃﺮﻳﻘﺘﻨﺎ ﻭﻋﺎﺩﺍﺗﻨﺎ !! ﺃﻧﺎ ﻣﺎ
ﻣﺠﻨﻮﻥ ﻋﺸﺎﻥ ﺃﺭﻣﻴﻚ ﺍﻟﺮﻣﻴﺔ ﺩﻱ ! ﻭﺗﺎﻧﻲ ﻣﺎ ﺗﻘﻠﺒﻮ ﺍﻟﻜﻼﻡ ﺩﻩ .. ﻭﻣﻦ ﺩﺭﺑﻲ
ﺩﻩ ﻣﺎﺷﻲ ﻟﻠﻤﺠﺬﻭﺏ ﻧﺤﺪﺩ ﺍﻟﻌﻘﺪ ﺍﻟﺠﻤﻌﺔ ﺍﻟﺠﺎﻳﺔ !!!
ﻏﺎﺑﺖ ﻣﺎﻳﺎ ﻋﻦ ﻋﺎﻟﻢ ﺍﻟﻮﻋﻲ ﻭﺇﺭﺗﻄﻤﺖ ﺑﺎﻷﺭﺽ
.
.
) ﻭﺍﻟﻠﻪ ﻛﺎﻥ ﻋﺮﺳﺘﻬﺎ ﺑﻘﻄﻊ ﺷﻄﺮﻱ ﺍﻟﺮﺿﻌﺘﻚ ﺑﻴﻪ ﺩﻩ (!
ﻗﺎﻟﺖ ﺍﻟﺸﺎﻡ ﻭﺍﻟﺪﺓ ﺃﺣﻤﺪ ﻭﻫﻲ ﺗﻀﺮﺏ ﺻﺪﺭﻫﺎ ﺑﻘﻮﺓ ﻣﺮﺩﻓﺔ : ﻛﺎﻥ ﺩﺍﻳﺮ ﺗﻜﺴﺮ
ﻛﻼﻣﻲ ﻭﺗﻌﺮﺱ ﻋﺪﻳﻤﺔ ﺍﻷﻫﻞ ﺩﻱ .. ﺑﺴﻮﻳﻬﺎ ﻭﺍﻟﻠﻪ ﻭﺗﻠﻮﻡ ﺭﻗﺒﺘﻚ !
ﻭﻗﻒ ﺃﺣﻤﺪ ﻭﻫﻮ ﻳﺤﺎﻭﻝ ﺃﻥ ﻳﺠﻌﻞ ﻟﻬﺠﺘﻪ ﻟﻴﻨﺔ ﺑﻘﺪﺭ ﺍﻹﻣﻜﺎﻥ : ﻳﺎ ﺃﻣﻲ ﺃﻧﺎ
ﻣﺸﻴﺖ ﻣﻌﺎﻱ ﺃﺑﻮﻱ ﻭﺍﻟﺴﻨﺠﻚ ﺃﺩﺍﻧﺎ ﻛﻠﻤﺘﻮ .. ﺃﻧﺎ ﺑﺪﻭﺭ ﺃﻓﻬﻢ ﺑﺲ ﺍﻟﺒﺖ ﺩﻱ
ﺷﻔﺘﻲ ﻋﻠﻴﻬﺎ ﺷﻨﻮ ؟
ﻋﻼ ﺻﻮﺕ ﺍﻟﺸﺎﻡ : ﺷﻔﺖ ﺍﻟﺸﻔﺘﻮ .. ﺇﻧﺖ ﺷﻔﺖ ﺷﻨﻮ ؟ ﻣﺎﻟﻘﻴﺖ ﻓﻲ ﺍﻟﻔﺮﻳﻖ
ﻏﻴﺮﻫﺎ ؟ ﺑﻨﺎﺕ ﺍﻟﻘﺒﺎﻳﻞ ﻛﺘﺎﺍﺍﺍﺍﺍﺭ .. ﺑﻨﺎﺕ ﻋﻤﻚ ﻣﺎﻟﻬﻢ ؟ ﺑﻨﺎﺕ ﺃﺧﻮﺍﺗﻲ ﻣﺎﻟﻬﻢ ؟
ﺃﺧﺬ ﺃﺣﻤﺪ ﻳﻬﺪﺋﻬﺎ : ﻳﺎ ﺃﻣﻲ ﺃﺑﻮﻱ ﺃﺩﻯ ﻛﻠﻤﺔ
ﻗﺎﻃﻌﺘﻪ ﺑﺤﺪﺓ : ﻣﺎ ﻋﻨﺪﻱ ﺷﻐﻠﺔ ﺑﻲ ﻛﻠﻤﺘﻮ ! ﻭﺃﻧﺎ ﻣﺎ ﻋﻨﺪﻱ ﻛﻠﻤﺔ ﻓﻲ ﺍﻟﺒﻴﺖ
ﺩﻩ ؟؟
ﻗﺎﻃﻌﻬﻤﺎ ﺻﻮﺕ ﺍﻟﻤﺠﺬﻭﺏ ﺍﻟﺠﻬﻮﺭﻱ ﻗﺎﺋﻼ : " ﺩﻩ ﻣﻨﻮ ﺍﻟﻜﻠﻤﺘﻮ ﻓﻮﻕ ﻛﻠﻤﺘﻲ ؟؟
ﺻﻤﺖ ﺃﺣﻤﺪ ﻭﺗﻠﻌﺜﻤﺖ ﺍﻟﺸﺎﻡ ﻗﺎﺋﻠﺔ : ﺍﻟﻌﻔﻮ ﻳﺎ ﻭﺩ ﻋﻤﻲ .. ﻟﻜﻦ ﺃﻧﺎ ﻣﺎﺩﺍﻳﺮﺓ
ﺑﺖ ﺯﻳﻨﺐ ﺩﻱ ﻷﺣﻤﺪ ﻭﻟﺪﻱ ..
ﺃﺭﺍﺡ ﺍﻟﻤﺠﺬﻭﺏ ﻗﺒﻀﺘﻪ ﻓﻮﻕ ﻋﺼﺎﻩ ﻭﻫﻮ ﻳﻘﻮﻝ : ﻟﻴﻪ ﻋﺸﺎﻥ ﻛﻼﻡ ﺍﻟﻨﺎﺱ ؟؟
ﺑﻄﻠﻲ ﻧﻘﺼﺎﻥ ﺍﻟﻌﻘﻞ ﺩﻩ ﻳﺎ ﻭﻟﻴﺔ .. ﻭﺑﻌﺪﻳﻦ ﻫﺴﻲ ﻣﺮﻕ ﻣﻨﻲ ﺍﻟﺴﻨﺠﻚ
ﻭﺣﺪﺩﻧﺎ ﺍﻟﻌﻘﺪ ﻳﻮﻡ ﺍﻟﺠﻤﻌﺔ ..!
ﻭﺭﻓﻊ ﺇﺻﺒﻌﻪ ﻣﻬﺪﺩﺍ" : ﺗﻠﺒﺴﻲ ﺗﻮﺑﻚ ﻭﺗﻤﺸﻲ ﺗﺤﻀﺮﻱ ﻋﻘﺪ ﻭﻟﺪﻙ ﻣﻊ
ﺍﻟﻨﺴﻮﺍﻥ ﻭﻋﻠﻲ ﺑﺎﻟﻄﻼﻕ ﻭﺗﺤﺮﻣﻲ ﻋﻠﻲ ﻟﻮ ﺯﺩﺗﻲ ﻛﻠﻤﺔ ﻓﻲ ﺍﻟﻤﻮﺿﻮﻉ ﺩﻩ !
ﺳﺪﺕ ﺍﻟﻌﺒﺮﺓ ﺣﻠﻖ ﺍﻟﺸﺎﻡ ﻟﻜﻨﻬﺎ ﻟﻢ ﺗﺰﺩ ﺣﺮﻓﺎ " ..
.
.
.
يتبع
اعادة الحلقه لعاصم وعزو المسلسل اليومي (مايا)
الحلقة 11
.
.
ﺗﻌﺎﻟﺖ ﺍﻟﺰﻏﺎﺭﻳﺪ ﻓﻲ ﺑﻴﺖ ﺍﻟﺴﻨﺠﻚ ﻣﻊ ﺩﺧﻮﻝ ﺃﻓﻮﺍﺝ ﺍﻟﻨﺴﺎﺀ .. ﻧﺤﺮﺕ ﺍﻟﺬﺑﺎﺋﺢ
ﻭﺇﺯﺩﺍﺩﺕ ﺍﻟﺤﺮﻛﺔ ﻭﺍﻟﻨﺸﺎﻁ ﻹﻋﺪﺍﺩ ﺍﻟﻄﻌﺎﻡ ﻭﺇﻛﺮﺍﻡ ﺍﻟﻀﻴﻮﻑ ﺍﻟﻮﺍﻓﺪﻳﻦ ..
ﻭﺇﻧﺸﻐﻠﺖ ﺯﻳﻨﺐ ﻣﺎ ﺑﻴﻦ ﺗﻠﻘﻴﻬﺎ ﺍﻟﺘﻬﺎﻧﻲ ﻭﺇﻋﻄﺎﺀ ﺍﻟﺘﻮﺟﻴﻬﺎﺕ ﻟﻠﻄﺒﺎﺧﻴﻦ ..
ﻧﺎﺩﺗﻬﺎ ﺇﺣﺪﻯ ﺍﻟﻔﺘﻴﺎﺕ ﻭﻫﻤﺴﺖ ﻓﻲ ﺃﺫﻧﻬﺎ : ﻳﺎ ﺧﺎﻟﺘﻲ ﺯﻳﻨﺐ .. ﺟﻴﺖ ﻣﻦ ﺑﻴﺖ
ﺣﺎﺟﺔ ﺁﻣﻨﺔ .. ﻗﺎﻟﺖ ﻟﻴﻚ ﺍﻟﻌﺮﻭﺱ ﻣﻨﺸﻔﺔ ﺭﺍﺳﻬﺎ ﻣﺎ ﺩﺍﻳﺮﺓ ﺗﻠﺒﺲ ..
ﺯﻳﻨﺐ ﺑﻨﻔﺎﺫ ﺻﺒﺮ : ﺃﺣﻴﻴﻴﻲ .. ﻃﻴﺐ ﺃﻧﺎ ﺑﺠﻲ ﻫﺴﺔ ..
ﺇﻧﺴﺤﺒﺖ ﻣﻦ ﺍﻟﺒﺎﺏ ﺍﻟﺨﻠﻔﻲ ﻧﺤﻮ ﺑﻴﺖ ﺣﺎﺟﺔ ﺁﻣﻨﺔ .. ﻭﺻﻠﺖ ﻭﺩﺧﻠﺖ ﺍﻟﻐﺮﻓﺔ
ﺍﻟﻤﻮﺟﻮﺩﺓ ﺑﻬﺎ ﻣﺎﻳﺎ ﻟﺘﺠﺪﻫﺎ ﻣﺴﺘﻠﻘﻴﺔ ﺗﻨﺘﺤﺐ..ﻭﺿﻌﺖ ﻳﺪﻫﺎ ﻋﻠﻰ ﺭﺃﺳﻬﺎ ﻗﺎﺋﻠﺔ : ﻳﺎ ﺑﺘﻲ ﻗﻮﻣﻲ ﺃﻟﺒﺴﻲ .. ﺍﻟﻌﻘﺪ ﺣﻴﺘﻢ ﻫﺴﺔ
ﻭﻧﺴﺎﺑﺘﻚ ﺣﻴﺠﻮ ﻳﺒﺎﺭﻛﻮ ﻟﻴﻚ ..
ﻓﻲ ﺗﻠﻚ ﺍﻟﻠﺤﻈﺔ ﺗﻌﺎﻟﺖ ﺃﺻﻮﺍﺕ ﺍﻟﺬﺧﻴﺮﺓ ﻭﺯﻏﺎﺭﻳﺪ ﺍﻟﻨﺴﺎﺀ ﻣﻌﻠﻨﺔ ﺇﺗﻤﺎﻡ
ﺍﻟﻌﻘﺪ ""!!!
ﻰ ﺃﺣﻤﺪ ﺑﻘﺎﻣﺘﻪ ﺍﻟﻔﺎﺭﻋﺔ ﻭﻟﻮﻧﻪ ﺍﻟﻘﻤﺤﻲ ﺍﻟﻤﺸﺮﺏ ﺑﺴﻤﺮﺓ ﺣﺎﻣﻼ " ﺳﻮﻃﻪ
ﻳﺒﺸﺮ ﺑﻪ ﻭﻣﻌﻪ ﺇﺯﺩﺍﺩﺕ ﻗﻮﺓ ﻭﺗﺮﺩﺩ ﺍﻟﺰﻏﺎﺭﻳﺪ .. ﻭﻣﻌﻪ ﺃﺧﻮﺍﺗﻪ ﻭﺍﻟﺸﺎﻡ ﻭﻫﻲ
ﺗﻤﺸﻲ ﺑﺠﺎﻧﺒﻪ ﻭﻋﻨﺪﻣﺎ ﻭﻗﻌﺖ ﻋﻴﻨﺎﻫﺎ ﻋﻠﻰ ﻣﺎﻳﺎ ﺭﻓﻌﺖ ﺣﺎﺟﺒﻴﻬﺎ ﺑﺈﺯﺩﺭﺍﺀ ﺧﻔﻲ
ﻭﺗﻘﺪﻣﺖ ﻟﺘﺒﺎﺭﻙ ﻟﻬﺎ .. ﻓﻬﻤﺴﺖ ﺯﻳﻨﺐ ﻓﻲ ﺃﺫﻥ ﻣﺎﻳﺎ : ﻓﺮﻱ ﻭﺷﻚ ﺩﻩ ﺷﻮﻳﺔ
ﻧﺴﻴﺒﺘﻚ ﺟﺎﻳﺔ ﻋﻠﻴﻚ ..
ﻋﺎﻧﻘﺖ ﺯﻳﻨﺐ ﺃﺣﻤﺪ ﻣﺒﺎﺭﻛﺔ : ﺷﻴﻠﻬﺎ ﻓﻲ ﻋﻮﻳﻨﺎﺗﻚ ﻳﺎ ﻭﻟﺪﻱ ..
ﺃﺣﻤﺪ : ﻣﺎ ﺗﺸﻴﻠﻲ ﻫﻢ .. ﻟﺴﺔ ﺣﺘﻘﻌﺪ ﻣﻌﺎﻙ 4 ﺳﻨﻴﻦ ..
ﻭﺑﺎﺭﻙ ﻟﻤﺎﻳﺎ ﻣﺤﺘﻀﻨﺎ" ﻛﻔﻬﺎ ﺍﻟﺒﺾ ﺑﻴﻦ ﻳﺪﻳﻪ ﻭﻣﺘﺄﻣﻼ " ﻗﺴﻤﺎﺗﻬﺎ ﺍﻟﻨﺎﻋﻤﺔ
ﻭﺷﻌﺮﻫﺎ ﺍﻟﻤﻨﺴﺪﻝ ﻋﻠﻰ ﻇﻬﺮﻫﺎ ﻛﺸﻼﻝ ﻣﻦ ﺍﻟﻌﺴﻞ .. ﻭﻫﻤﺲ ﻟﻬﺎ :
ﻣﺒﺮﻭﻙ ..
ﻗﺎﻟﺖ وهي ﺧﺎﻓﻀﺔ ﺭﺃﺳﻬﺎ : ﺍﻟﻠﻪ ﻳﺒﺎﺭﻙ ﻓﻴﻚ ..
ﺇﻧﺴﺤﺐ ﺃﺣﻤﺪ ﻋﻨﺪﻣﺎ ﺃﺷﺎﺭﺕ ﻟﻪ ﻭﺍﻟﺪﺗﻪ ﻭﺗﻘﺪﻣﺖ ﻟﺘﺒﺎﺭﻙ ﻟﺰﻳﻨﺐ ﺑﺴﻌﺎﺩﺓ
ﻣﺼﻄﻨﻌﺔ ﺛﻢ ﺇﺣﺘﻀﻨﺖ ﻣﺎﻳﺎ ﻗﺎﺋﻠﺔ : ﺃﺑﻘﻲ ﻋﺸﺮﺓ ﻋﻠﻰ ﻭﻟﺪﻱ ﺩﻩ ..
ﺃﻭﻣﺄﺕ ﻣﺎﻳﺎ ﻭﻫﻲ ﺗﺘﻤﺘﻢ .. ﻧﺎﺩﺕ ﺍﻟﺸﺎﻡ ﻟﺒﻨﺎﺗﻬﺎ : ﺟﻴﺒﻮ ﺍﻟﻬﺪﺍﻳﺎ ﺩﻱ ﻭﺍﻟﻄﻘﻢ
ﺣﻖ ﺍﻟﻌﺮﻭﺱ ..
ﻭﺇﻟﺘﻔﺘﺖ ﻧﺤﻮ ﺯﻳﻨﺐ ﻣﻜﻤﻠﺔ : ﺃﺣﻤﺪ ﺃﺻﺮ ﺇﻻ ﻳﺠﻴﺐ ﻟﻴﻬﺎ ﺯﻱ ﻧﺎﺱ ﺍﻟﺨﺮﻃﻮﻡ ﻣﺎ
ﺑﺴﻮﻭﺍ ﻓﻲ ﺃﻋﺮﺍﺳﻬﻢ ..
ﺇﺑﺘﺴﻤﺖ ﺯﻳﻨﺐ ﻣﺠﺎﻣﻠﺔ ..
ﺃﺗﺖ ﺃﺧﺘﻪ ﺍﻟﺼﻐﺮﻯ ﺗﺤﻤﻞ ﻋﻠﺒﺔ ﻣﺠﻮﻫﺮﺍﺕ ﺑﻬﺎ ﻃﻘﻢ ﺫﻫﺒﻲ ﻳﺨﻄﻒ ﺍﻷﻧﻔﺎﺱ ..
ﻧﺎﺩﺕ ﺯﻳﻨﺐ ﻹﺣﺪﻯ ﺍﻟﻔﺘﻴﺎﺕ : ﺟﻴﺒﻲ ﻛﺮﺳﻲ ﻷﻡ ﺍﻟﻌﺮﻳﺲ ﺧﻠﻴﻬﺎ ﺗﻘﻌﺪ ﺟﻨﺐ
ﻋﺮﻭﺱ ﻭﻟﺪﻫﺎ ..
ﺟﻠﺴﺖ ﺍﻟﺸﺎﻡ ﻭﻓﺘﺤﺖ ﺍﻟﻌﻠﺒﺔ ﻭﻫﻤﺖ ﺑﺈﺯﺍﻟﺔ ﺍﻟﻌﻘﺪ ﺍﻟﻔﻀﻲ ﻣﻦ ﺭﻗﺒﺔ ﻣﺎﻳﺎ
ﻣﻨﻌﺘﻬﺎ ﻣﺎﻳﺎ ﺑﺤﺮﻛﺔ ﻣﻦ ﻳﺪﻫﺎ ﻗﺎﺋﻠﺔ : ﺧﻠﻴﻪ ﻳﺎ ﺧﺎﻟﺘﻲ .. ﻟﺒﺴﻴﻨﻲ ﺩﻩ ﻣﻦ
ﻓﻮﻗﻮ ..
ﺃﻏﻠﻘﺖ ﺍﻟﺸﺎﻡ ﺍﻟﻌﻠﺒﺔ ﺑﻐﻀﺐ ﻣﻜﺘﻮﻡ ﺇﻧﺘﺒﻬﺖ ﻟﻪ ﺯﻳﻨﺐ ﻭﺳﺎﺭﻋﺖ ﺑﺎﻹﻋﺘﺬﺍﺭ :
ﻣﻌﻠﻴﺶ ﻳﺎﻟﺸﺎﻡ ﻳﺎﺧﺘﻲ ﺩﻩ ﻫﺪﻳﺔ ﻣﻦ ﻋﻤﺮﺓ ﺃﺑﻮﻫﺎ ﻭﺣﻠﻔﻬﺎ ﻛﺎﻥ ﺗﻤﺮﻗﻮ ..
ﻻﻧﺖ ﻗﺴﻤﺎﺕ ﺍﻟﺸﺎﻡ ﻭﻫﻲ ﺗﻌﺎﻭﺩ ﻓﺘﺢ ﺍﻟﻌﻠﺒﺔ ﻭﺗﻜﻤﻞ ﺇﻟﺒﺎﺱ ﺍﻟﺸﺒﻜﺔ ..
.
.
.
ﻏﺮﺑﺖ ﺷﻤﺲ ﺁﺧﺮ ﺃﻳﺎﻡ ﺇﺟﺎﺯﺓ ﻣﺎﻳﺎ ﻭﺇﻧﻘﻀﻰ ﺍﻟﺸﻬﺮﺍﻥ ﺑﺴﺮﻋﺔ .. ﻛﺎﻥ ﺍﻟﻤﻨﺰﻝ
ﻫﺎﺩﺋﺎ " ﻣﺎ ﻋﺪﺍ ﺑﻌﺾ ﻗﺮﻳﺒﺎﺕ ﺯﻳﻨﺐ ﻳﺴﺎﻋﺪﻧﻬﺎ ﻓﻲ ﺗﺮﺗﻴﺐ ﻭ ﺗﻨﻈﻴﻢ ﺃﻣﺘﻌﺔ
ﻣﺎﻳﺎ ..
ﻓﻲ ﻏﺮﻓﺘﻬﺎ ﻭﺣﻴﺪﺓ ﺇﺳﺘﻠﻘﺖ ﻣﺎﻳﺎ ﻋﻠﻰ ﺇﺣﺪﻯ ﺍﻷﺳﺮﺓ ﺗﺪﻳﺮ ﺍﻟﺪﺑﻠﺔ ﺍﻟﺬﻫﺒﻴﺔ ﻓﻲ
ﺧﻨﺼﺮﻫﺎ ﺍﻷﻳﺴﺮ ﻭﻋﻘﻠﻬﺎ ﺳﺎﺭﺡ ﻓﻲ ﺍﻟﺘﻔﻜﻴﺮ ﻓﻲ ﺃﻛﺮﻡ ﻭﻣﺎﺫﺍ ﺳﻴﻜﻮﻥ ﺣﺎﻟﻪ ﻟﻮ
ﻋﻠﻢ ﺑﻤﺎ ﺣﺪﺙ ﻟﻬﺎ .. ﻓﻜﺮﺕ ﻫﻞ ﻛﺎﻥ ﻣﻦ ﺍﻟﺼﺤﻴﺢ ﻏﻠﻖ ﺍﻟﻤﻮﺑﺎﻳﻞ ﻭﻗﻄﻊ
ﺇﺗﺼﺎﻟﻪ ﻋﻨﻬﺎ ..
ﻗﺎﻣﺖ ﺇﻟﻰ ﺧﺰﺍﻧﺘﻬﺎ ﻭﺃﺧﺮﺟﺖ ﺍﻟﻤﻮﺑﺎﻳﻞ ﺍﻟﻤﻐﻠﻖ ﻭﺗﺄﻣﻠﺘﻪ ﻣﺘﺮﺩﺩﺓ ﻓﻲ ﻓﺘﺤﻪ ..
ﺟﺎﺀﻫﺎ ﺻﻮﺕ ﺯﻳﻨﺐ : ﻣﺎﻳـــــــــﺎ ..
ﻭﺿﻌﺘﻪ ﻓﻲ ﺍﻟﺴﺮﻳﺮ ﺧﺮﺟﺖ ﻣﺎﻳﺎ ﻣﻦ ﻏﺮﻓﺘﻬﺎ ﻧﺤﻮ ﺍﻟﺪﻳﻮﺍﻥ ﻟﺘﺠﺪ ﻭﺍﻟﺪﺗﻬﺎ
ﻭﺃﺣﻤﺪ ﺟﺎﻟﺴﻴﻦ ﻓﺘﺮﺍﺟﻌﺖ ﺑﺬﻋﺮ ..
ﻛﺘﻢ ﺃﺣﻤﺪ ﺃﻧﻔﺎﺳﻪ ﻟﺮﺅﻳﺘﻬﺎ ﺑﻔﺴﺘﺎﻥ ﻗﺼﻴﺮ ﻳﻜﺸﻒ ﻋﻦ ﺳﺎﻗﻴﻬﺎ ﺍﻟﻌﺎﺟﻴﺘﻴﻦ
ﺍﻟﻤﻤﺘﻠﺌﺘﻴﻦ .. ﻭﺫﺭﺍﻋﻴﻬﺎ ﺍﻟﺒﻀﺘﻴﻦ
ﻓﻮﻕ ﺧﺼﺮ ﺻﻐﻴﺮ ﻭﺟﺴﺪ ﻣﺒﺮﻭﻡ ..
ﺇﺭﺗﺪﺕ ﺛﻮﺑﻬﺎ ﻭﻋﺎﺩﺕ ﻟﺘﺠﻠﺲ ﺑﺠﺎﻧﺐ ﻭﺍﻟﺪﺗﻬﺎ ﺍﻟﺘﻲ ﻗﺎﻟﺖ ﺿﺎﺣﻜﺔ : ﺇﻧﺘﻲ
ﺑﺘﺨﺘﺸﻲ ﻣﻦ ﺭﺍﺟﻠﻚ ؟؟ ﺑﻌﺪﻳﻦ ﺣﺘﺴﻮﻱ ﺷﻨﻮ ؟
ﻭﻗﺎﻣﺖ ﺧﺎﺭﺟﺔ ﻭﻫﻲ ﻣﻜﻤﻠﺔ : ﺃﺧﺪﻭ ﺭﺍﺣﺘﻜﻢ ﻣﺴﺎﻓﺔ ﺃﺟﻬﺰ ﺍﻟﻐﺪﺍ ..
ﻋﻨﺪﻣﺎ ﺃﺻﺒﺤﺎ ﻭﺣﺪﻫﻤﺎ ﻏﺮﻗﺖ ﻣﺎ ﻓﻲ ﺍﻟﺼﻤﺖ ﻭﻟﻢ ﺗﺮﻯ ﻧﻈﺮﺍﺕ ﺃﺣﻤﺪ
ﺍﻟﻤﺘﺄﻣﻠﺔ .. ﻧﻬﺾ ﻟﻴﺠﻠﺲ ﺑﺠﺎﻧﺒﻬﺎ ﻭﻳﻤﺴﻚ ﺑﻴﺪﻫﺎ ﻗﺎﺋﻼ " : ﺇﻧﺘﻲ ﺑﺘﺨﺠﻠﻲ
ﻣﻨﻲ ؟ ﺩﺍﺳﺔ ﺣﺎﺟﺎﺗﻚ ﺍﻟﺴﻤﺤﺔ ﺩﻱ ..؟
ﻭﺃﺭﺟﻊ ﺍﻟﺜﻮﺏ ﻟﻴﺴﻘﻂ ﻋﻦ ﻛﺘﻔﻴﻬﺎ ﻭﺃﻣﺴﻜﻬﺎ ﻟﻴﻘﺮﺑﻬﺎ ﻣﻨﻪ ﻭﻳﻄﺒﻊ ﻗﺒﻠﺔ
ﻋﻠﻰ ﺷﻔﺘﻴﻬﺎ .. ﺇﻧﺘﻔﻀﺖ ﻣﺎﻳﺎ ﻭﺍﻗﻔﺔ ﻛﺎﻟﻤﻠﺴﻮﻋﺔ ﻓﺈﻧﺪﻫﺶ ﺃﺣﻤﺪ ﻭﺗﻤﺘﻢ :
ﻣﺎﻟﻚ ﻓﻲ ﺷﻨﻮ ؟ ﺃﻧﺎ ﻋﻤﻠﺖ ﺣﺎﺟﺔ ﻏﻠﻂ ؟
ﺭﻓﻌﺖ ﻣﺎﻳﺎ ﺛﻮﺑﻬﺎ ﻗﺎﺋﻠﺔ ﺑﻐﻀﺐ : ﺍﻟﺒﺘﻌﻤﻞ ﻓﻴﻪ ﺩﻩ ﻣﺎ ﻭﻗﺘﻮ !
ﻭﻗﻒ ﺃﺣﻤﺪ ﻣﺘﺤﻔﺰﺍ" ﻭﻫﻮ ﻳﻘﻮﻝ : ﻭﻗﺘﻮ ﻣﺘﻴﻦ ؟ ﻣﻦ ﻳﻮﻡ ﺍﻟﻌﻘﺪ ﻭﺇﻧﺘﻲ ﻣﺎ
ﻗﻠﺒﺘﻲ ﻣﻌﺎﻱ ﻛﻠﻤﺘﻴﻦ ﻋﻠﻰ ﺑﻌﻀﻬﻢ ﻭﻻ ﻗﻌﺪﻧﺎ ﺳﻮﺍ ﺑﺮﺍﻧﺎ .. ﺃﻧﺎ ﺩﺍﻳﺮ ﺃﻓﻬﻢ ﺇﻧﺘﻲ
ﻣﺮﺗﻲ ﻭﻻ ﺧﻄﻴﺒﺘﻲ ؟؟
ﺭﺩﺕ ﻣﺎﻳﺎ ﺑﺤﺪﺓ ﻷﻭﻝ ﻣﺮﺓ :
ﺃﻳﻮﺓ ﻣﺎ ﻭﻗﺘﻮ ! ﺑﻌﺪ ﺃﻣﺸﻲ ﺑﻴﺘﻚ ﺑﺒﻘﻰ ﻭﻗﺘﻮ ! ﺇﺣﺘﺮﻡ ﺑﻴﺖ ﺍﻟﺮﺍﺟﻞ ﺍﻹﻧﺖ
ﻓﻴﻪ !!
ﺇﻋﺘﺼﺮ ﻗﺒﻀﺘﻪ ﺑﻐﻀﺐ ﻭﻗﺎﻝ ﻣﻦ ﺑﻴﻦ ﺃﺳﻨﺎﻧﻪ : ﻃﻴﺐ ﻳﺎ ﺑﺖ ﺍﻟﻨﺎﺱ .. ﺃﺟﻬﺰﻱ
ﻋﺸﺎﻥ ﺃﻭﺻﻠﻚ ﻣﻮﻗﻒ ﺍﻟﺒﺎﺻﺎﺕ ..
ﻭﺧﺮﺝ ﺑﺨﻄﻮﺍﺕ ﻭﺍﺳﻌﺔ ..
.
ﻇﻠﺖ ﻣﺎﻳﺎ ﻃﻮﺍﻝ ﺍﻟﻄﺮﻳﻖ ﻧﺤﻮ ﺍﻟﺨﺮﻃﻮﻡ ﺗﻔﻜﺮ ﻓﻲ ﺣﻴﺎﺗﻬﺎ ﺍﻟﺘﻲ ﺇﻧﻌﻄﻔﺖ ﺑﺸﻜﻞ
ﺧﻄﻴﺮ .. ﻭﺍﻟﺠﺎﻣﻌﺔ ﻭﺭﻳﻢ ﻭﺃﻫﻠﻬﺎ ﻭ ... ﺃﻛﺮﻡ ..!
ﻣﺎﺫﺍ ﺳﺘﻘﻮﻝ ﻟﻪ ؟
ﺣﺴﻤﺖ ﺃﻣﺮﻫﺎ ﺑﺄﻧﻬﺎ ﺳﺘﺨﻔﻲ ﺯﻭﺍﺟﻬﺎ ﻋﻦ ﺃﻛﺮﻡ ﻭﺗﺨﺒﺮ ﺃﺣﻤﺪ ﺑﻜﻞ ﺍﻟﻘﺼﺔ
ﻭﺗﻄﻠﺐ ﺍﻟﻄﻼﻕ ﻓﻲ ﺇﺟﺎﺯﺗﻬﺎ ﺍﻟﻘﺎﺩﻣﺔ ﻭﻟﻴﺤﺪﺙ ﻣﺎ ﻳﺤﺪﺙ ..
ﺇﺳﺘﻘﺒﻠﺘﻬﺎ ﺭﻳﻢ ﺑﻌﺪ ﺃﻥ ﺗﻠﻘﺖ ﻣﻜﺎﻟﻤﺘﻬﺎ ..
ﺑﻌﺪ ﺃﻥ ﺇﺳﺘﻘﺮﺕ ﻓﻲ ﺍﻟﺴﻴﺎﺭﺓ ﺇﻧﺘﺒﻬﺖ ﺭﻳﻢ ﻟﺼﻤﺘﻬﺎ ﻓﺴﺄﻟﺘﻬﺎ : ﻣﺎﻳﺎ ﻣﺎﻟﻚ ؟
ﺃﻃﺮﻗﺖ ﻣﺎﻳﺎ ﻗﺎﺋﻠﺔ ﻭﻫﻲ ﺗﺨﺮﺝ ﺍﻟﺪﺑﻠﺔ ﻣﻦ ﺍﻟﺸﻨﻄﺔ : ﻋﻘﺪﻭ ﻋﻠﻲ ﻳﺎ ﺭﻳﻢ !!
ﺭﻳﻢ : ﺷﻨﻮ ؟؟؟ ﻭﺃﻛﺮﻡ ؟ ﻳﺎﺑﺖ ﺩﻩ ﻛﺎﻥ ﺣﻴﺠﻦ ﻋﻠﻴﻚ ﻭﻛﺎﻥ ﺣﻴﺴﺎﻓﺮ ﻟﻴﻚ "".
.

ليست هناك تعليقات:

إرسال تعليق